Սկսիր քո ներդրումային ճանապարհը Ակբա բանկի հետ

Արժեթղթերի երկրորդային շուկայում տեղի է ունենում արդեն թողարկված և տեղաբաշխված արժեթղթերի առք ու վաճառք ներդրողների միջև։ Երկրորդային շուկայում արժեթղթերի շրջանառությունը սովորաբար տեղի է ունենում ֆոնդային բորսաներում (օրինակ՝ ՀՀ ֆոնդային բորսա AMX, NASDAQ, London Stock Exchange) կամ OTC շուկաներում (արտաբորսայական շուկա)։ Երկրորդային շուկայում գինը սահմանվում է պահանջարկի և առաջարկի հիման վրա։ 

Ակբա բանկի միջոցով կարելի է ձեռք բերել` բաժնետոմսեր, կորպորատիվ և պետական պարտատոմսեր, բորսայական ֆոնդի փայ՝ ETF:

Բաժնետոմսը արժեթուղթ է, որը հաստատում է ընկերության սեփականության մեջ մասնաբաժնի նկատմամբ ձեր իրավունքը։ Բաժնետոմս գնելով՝ դուք դառնում եք ընկերության համասեփականատեր (բաժնետեր) և կարող եք ստանալ շահաբաժիններ, օգտվել բաժնետոմսերի գնի աճից, մասնակցել ընկերության կառավարմանտ՝ քվեարկության միջոցով։

Պարտատոմս է համարվում այն արժեթուղթը, որը հավաստում է դրա տիրապետողի իրավունքը՝ դրանում նախատեսված ժամկետում պարտատոմս թողարկված անձից ստանալ պարտատոմսի անվանական արժեքը։ Պարտատոմսը դրա տիրապետողին իրավունք է տալիս նաև ստանալ պարտատոմսի անվանական արժեքից տոկոս։

ETF-ը (բորսայակն ֆոնդի փայ) ներդրումային գործիք է, որը գնելով ձեռք եք բերում բաժնեմաս մի ֆոնդից, որը ներդրումներ է իրականացնում նախօրոք սահմանված ներդրումային քաղաքականությունով։ Օրինակ լինում են ինդեքսային ETF-ներ (iShares S&P 500 UCITS ETF), հումքային ETF-ներ (SPDR Gold Shares ETF), կրիպտոարժութային ETF-ներ (iShares Bitcoin Trust ETF) և այլն։ ETF-ները կարելի է գնել և վաճառել բորսայում ամբողջ առևտևային օրվա ընթացքում։ 

ՀՀ ֆոնդային բորսայում առևտուրն իրականացվում է ժամը 11:00-15:00, ամերիկյան շուկաները բաց են 09:30-16:00 (տեղական ժամանակով՝ 17։30-24։00), եվրոպական շուկաները բաց են՝ 09։00-17։30 (տեղական ժամանակով՝ 11։00-19։30), ասիականը՝ 10։00-17։00 (տեղական ժամանակով՝ 05։00-12։00):

 *տեղական ժամանակով նշված ժամերը կարող են փոփոխվել տարվե մեջ երկու անգամ կապված ամառային և ձմեռային ժամերի փոփոխության։ 

Գործարքի կատարման հայտ կարելի է ներկայացնել ամբողջ օրվա ընթացքում։ Բորսաների առևտրային աշխատանքային ժամերից դուրս ուղարկված հայտերը ըստ հերթականության ավտոմատ կկատարվեն բորսաների բացվելուն պես։ 

Ոչ, նվազագույն շեմ սահմանված չէ։ Կարևոր է հաշվի առնել նվազագույն բրոքերային միջնորդավճարները։ 

Տեղական շուկայում պատվերները կարող են լինել՝ 

• Շուկայական պատվեր – ներկայացնելու դեպքում արժեթղթի առքի կամ վաճառքի հայտը կատարվում է տվյալ պահին շուկայում առկա լավագույն գնով։
• Լիմիտային պատվեր – ներկայացնելու դեպքում հաճախորդը սահմանում է գին/եկամտաբերություն, որով ցանկանում է գնել կամ վաճառել արժեթուղթը։ Միջազգային շուկաներում, բացի շուկայական և լիմիտային պատվերներից, կարող են լինել՝ 
• Ստոպ պատվեր (Stop Order) – հաճախորդը սահմանում է արժեթղթի գին, որին հասնելու դեպքում բորսայում նրա պատվերը դառնում է ակտիվ և վերածվում է շուկայական պատվերի։
• Ստոպ-լիմիտ պատվեր (Stop Limit Order) – հաճախորդը սահմանում է «ստոպ գին», որին հասնելու դեպքում պատվերը դառնում է ակտիվ, ինչպես նաև «լիմիտ գին», որով պատվերը կատարվում է, սահմանափակելով հնարավոր կորուստը։
• Միջին գնի պատվեր (MidPrice) – գործարքը կատարվում է լավագույն առաջարկի և լավագույն պահանջարկի միջին հաշվարկային գնով։ 
• Փակման գնով շուկայական պատվեր (Market-on-Close Order) – շուկայական պատվերի տեսակ է, որի դեպքում գործարքը կատարվում է բորսայի առևտրային նստաշրջանի փակման գնի հնարավորինս մոտ գնով։
• Փակման գնով լիմիտային պատվեր (Limit-on-Close Order) – լիմիտային պատվերի տեսակ է, որը կատարվում է առևտրային նստաշրջանի փակման պահին, եթե սահմանված լիմիտային գինը հավասար է կամ ավելի բարենպաստ, քան փակման գինը։
• Trailing Stop պատվեր – նախատեսված է ներդրողին հնարավորություն տալու սահմանել առավելագույն հնարավոր կորուստ՝ առանց սահմանափակելու հնարավոր շահույթը։ Օրինակ՝ վաճառքի Trailing Stop պատվերի դեպքում սահմանվում է ստոպ գին շուկայական գնից ցածր՝ որոշված գումարի կամ տոկոսի չափով։ Եթե շուկայական գինը բարձրանում է, ստոպ գինը նույնպես բարձրանում է նույն չափով, իսկ շուկայական գնի նվազման դեպքում ստոպ գինը չի փոխվում, և պատվերը կատարվում է, երբ շուկայական գինը հասնում է ստոպ գնին։
• Trailing Stop Limit պատվեր – տրամաբանությունը նույնն Trailing Stop պատվերի պես է, պարզապես Trailing Stop Limit պատվերը դառնում է լիմիտային պատվեր, երբ շուկայական գինը հասնում է սահմանված ստոպ գնին։ 

Ոչ, կատարված գործարքը չեղարկել հնարավոր չէ։

Բանկի սնանկ ճանաչվելու դեպքում, քանի որ հաճախորդի արժեթղթերը պահվում են գործընկեր բրոքերների և պահառուների մոտ, առնվազն մեկ ամիս ժամանակ կտրամադրվի արժեթղթերը տեղափոխել այլ բրոքերի և պահառուի մոտ։

Բրոքերային ծառայությունների վերաբերյալ կապ կարելի է հաստատել գրելով brokerage@acba.am էլ. հասցեին, կամ զանգահարելով +374 10 31 88 88 7067, 8838 հեռախոսահամարներով։