ԱՆՀՊՈՒՄ ՎՃԱՐՈՒՄՆԵՐ

Iphone

• Առևտրի կետերում վճարման ժամանակ անհրաժեշտ է 2 անգամ սեղմել iPhone-ի աջ վերևի կոճակին, նույնականացվել FaceID-ով/TouchID-ով կամ հավաքել սմարթֆոնի Passcode-ը, այնուհետև սմարթֆոնը մոտեցնել POS տերմինալին։
• Առցանց գնումների ժամանակ, որպես վճարման միջոց անհրաժեշտ է ընտրել Apple Pay տարբերակը և նույնականացվել FaceID-ով/Touch ID-ով կամ հավաքել սմարթֆոնի Passcode-ը։
• Բանկոմատից կանխիկացման ժամանակ անհրաժեշտ է 2 անգամ սեղմել iPhone-ի աջ վերևի կոճակին, նույնականացվել FaceID-ով/TouchID-ով կամ հավաքել սմարթֆոնի Passcode-ը, այնուհետև սմարթֆոնը մոտեցնել բանկոմատի NFC ընթերցման հատվածին։

Apple Watch

• Առևտրի կետերում վճարման ժամանակ անհրաժեշտ 2 անգամ սեղմեք Apple Watch-ի աջ ներքևի կոճակին, այնուհետև ժամացույցը մոտեցնել POS տերմինալին։
• Բանկոմատից կանխիկացման ժամանակ անհրաժեշտ է 2 անգամ սեղմել iPhone-ի աջ վերևի կոճակին, նույնականացվել FaceID-ով/Touch ID-ով կամ հավաքել սմարթֆոնի Passcode-ը, այնուհետև սմարթֆոնը մոտեցնել բանկոմատի NFC ընթերցման հատվածին։

iMac, Macbook, iPad

• Առցանց գնումների ժամանակ, որպես վճարման միջոց անհրաժեշտ է ընտրել Apple Pay տարբերակը: Եթե սարքավորումն ունի և ակտիվացված է FaceID նույնականացումը, ապա անհրաժեշտ է նույնականացվել FaceID-ով։ Եթե սարքավորումն ունի և ակտիվացված է Touch ID նույնականացումը, ապա անհրաժեշտ է նույնականացվել TouchID-ով: Եթե սարքավորումը չունի FaceID/TouchID կամ դրանք ակտիվացված չեն, ապա նույնականացում պետք է անցնել iPhone-ով կամ Apple Watch-ով, որը պետք է տվյալ պահին միացված լինի սարքավորմանը

Սմարթֆոն

• Առևտրի կետերում վճարման ժամանակ անհրաժեշտ է ակտիվացնել սմարթֆոնի էկրանը կամ ապաբլոկավորել սմարթֆոնը (device unlock)՝ օգտագործելով սմարթֆոնի ապաբլոկավորման պաշտպանիչ մեթոդը և սմարթֆոնը մոտեցնել POS տերմինալին: 20.000 ՀՀ դրամից ավել վճարումներն անհրաժեշտ է իրականացնել ապաբլոկավորելով սմարթֆոնը։
• Առցանց գնումների ժամանակ, որպես վճարման միջոց անհրաժեշտ է ընտրել Google Pay տարբերակը և նույնականացվել օգտագործելով սմարթֆոնի ապաբլոկավորման պաշտպանիչ մեթոդը։
• Բանկոմատից կանխիկացման ժամանակ անհրաժեշտ է ապաբլոկավորել սմարթֆոնը (device unlock)՝ օգտագործելով սմարթֆոնի ապաբլոկավորման պաշտպանիչ մեթոդը, այնուհետև սմարթֆոնը մոտեցնել բանկոմատի NFC ընթերցման հատվածին, այնուհետև բանկոմատի վրա հավաքել քարտի PIN կոդը։

Smart Watch

• Առևտրի կետերում վճարման ժամանակ անհրաժեշտ է ժամացույցից մուտք գործել Google Pay դրամապանակ և ժամացույցը մոտեցնել POS տերմինալին: Ժամացույցով վճարման եղանակները կարող են տարբերվել ժամացույցի տեսակով պայմանավորված։

Բանկոմատից կանխիկացման ժամանակ անհրաժեշտ է ժամացույցից մուտք գործել Google Pay դրամապանակ և ժամացույցը մոտեցնել բանկոմատի NFC ընթերցման հատվածին, այնուհետև բանկոմատի վրա հավաքել քարտի PIN կոդը։ Ժամացույցով կանխիկացման եղանակները կարող են տարբերվել ժամացույցի տեսակով պայմանավորված։

Այսուհետ մեր բանկի Visa քարտապանները առաջինը Հայաստանում կկարողանան կատարել անհպում, արագ և նորարարական վճարումներ իրենց` Garmin ապրանքանիշի սմարթ ժամացույցներով։

Garmin ապրանքանիշի սմարթ ժամացույցները դասակարգվում են ոճային, սպորտային և արշավային շարքերի, ինչը թույլ է տալիս գնորդին հեշտ կատարել ընտրություն։

Garmin Pay վճարային համակարգի գլխավոր առանձնահատկությունը արագ և անհպում վճարում կատարելն է։ Առանց կանխիկի ու նույնիսկ արդեն առանց հեռախոս, Visa քարտապանները կկարողանան կատարել վճարումներ/կանխիկացումներ ընդամենը մոտեցնելով ժամացույցը POS տերմինալին/բանկոմատին։

Կիրառելի է միայն Բանկի կողմից թողարկված Visa տեսակի բոլոր քարտերի համար՝ բացառությամբ Visa Business և Visa Electron տեսակի։ Garmin Pay-ը հասանելի աշխարհի բոլոր առևտրի կետերում, որտեղ սպասարկվում են Visa քարտեր անհպում (contactless) POS տերմինալներով։

Ծառայությունից օգտվելու համար ժամացույցը պետք է ունենա NFC վճարման հնարավորություն, իսկ վճարումներ կատարելու համար այն պետք է միացված լինի։

Garmin ժամացույցներում Visa քարտերի թվայնացման և Garmin Pay վճարումների իրականացման գործընթացին կարող եք ծանոթանալ այստեղ։