ԲԱՆԿՈՄԱՏՆԵՐ

Հասանելիություն

Բանկի 100-ից ավել բանկոմատները տեղադրված են ՀՀ ողջ տարածքում` նպատակ ունենալով հասանելի լինել Հաճախորդին: Դուք կարող եք օգտվել բանկոմատներից օրվա ցանկացած ժամի ՀՀ բոլոր մարզերում:

Ծառայությունների բազմազանություն

Բանկի բանկոմատները բացի հիմնական կանխիկի տրամադրման գործառույթից մատուցում են նաև այլ ծառայություններ, ինչպիսիք են կոմունալ վճարումները, կենսաթոշակային ֆոնդի քաղվածքի ստացումը, չհաշվանված գործարքների քաղվածքի ստացումը, որոնք Ձեզ ընձեռում են հնարավորություն քարտով կատարելու նաև այլ գործառույթներ արագ, հարմար և առանց դժվարությունների:

Սպասարկվող քարտերի լայն հնարավորություններ

Բանկի բանկոմատները Ձեզ առաջարկում են սպասարկվող քարտերի լայն ընտրանի, որոնցից շատերի բացառիկ ներկայացուցիչը հանդիսանում է Ակբա բանկը:

Բանկոմատի միջոցով Դուք կարող եք՝

Ակտիվացնել քարտը

Քարտի պատվերն իրականացնելուց կարող եք ընտրել քարտի ակտիվացման 2 տարբերակներից մեկը՝ քարտի ակտիվացում Բանկի կողմից PIN կոդի տրամադրմամբ կամ քարտի ակտիվացում բանկոմատով, երբ քարտի PIN կոդը սահմանում եք ինքներդ։

Բանկոմատով քարտն ակտիվացնելու համար անհրաժեշտ է քարտը մուտք անել բանկոմատ, սեղմել «Քարտի ակտիվացում» կոճակը, որից հետո Բանկում գրանցված Ձեր հեռախոսահամարին կստանաք կոդ։ Այն անհրաժեշտ է մուտքագրել բանկոմատին էկրանին, որից հետո քարտը կակտիվանա և բանկոմատի կողմից կառաջարկվի սահմանել Ձեզ հարմար և հիշվող PIN կոդ։

Փոփոխել քարտի PIN կոդը

Եթե գործարքներ իրականացնելիս դժվարությամբ եք հիշում քարտի PIN կոդը, ապա կարող եք Ակբա բանկոմատներով կատարել քարտի PIN-ի փոփոխում։ Քարտի PIN կոդը փոփոխելու համար անհրաժեշտ է քարտը մուտք անել բանկոմատ, առաջարկվող կոճակներից ընտրել «Լրացուցիչ ծառայություններ»,այնուհետև բացվող էջից ՝ «PIN-ի փոփոխում»։ Բանկոմատը կառաջարկի մուտքագրել Ձեր գործող PIN կոդը, այնուհետև սահմանել նորը։

Ստանալ կանխիկ գումար և ստուգել քարտի մնացորդը

Բանկոմատով կարող եք ստուգել Ձեր քարտին առկա մնացորդը և կատարել գումարի կանխիկացում։ Կանխիկացում կատարելու համար անհրաժեշտ է մուտքագրել ձեռքով ակնկալվող գումարի չափը կամ այն ընտրել բանկոմատի կողմից առաջարկվող տարբերակներից։

Կատարել քարտից քարտ փոխանցումներ

Ակբա բանկոմատներող կարող եք կատարել նաև քարտից քարտ փոխանցումներ Ակբա բանկի և ՀՀ այլ բանկերի քարտերին։ Փոխանցում իրականացնելու համար անհրաժեշտ է քարտը մուտք անել բանկոմատ, առաջարկվող կոճակներից ընտրել «Քարտից քարտ փոպանցում»,այնուհետև բացվող էջում մուտքագրել ստացողի քարտի թվերը և փոխանցվող գումարի չափը։ Փոխանցումը կատարվում է վայրկյանների ընթացքում։

Ստանալ կենսաթոշակային հաշվի վերջին 7 մուտքերի քաղվածք

Ակբա բանկոմատներով կարող եք ստանալ Ձեր կենսաթոշակային ֆոնդի վերջին 7 մուտքերի քաղվածքը։Կենսաթոշակային հաշվի քաղվածքը ստանալու համար անհրաժեշտ է քարտը մուտք անել բանկոմատ, առաջարկվող կոճակներից ընտրել «Լրացուցիչ ծառայություններ»,այնուհետև բացվող էջից ՝ «Կենսաթոշակային քաղվածք»։ Բանկոմատը անդորրագրի տեսքով Ձեզ կտրամադրի քաղվածքը։

Ստանալ վերջին 12 չհաշվանցված գործարքների քաղվածք

Ակբա բանկոմատներով կարող եք ստանալ Ձեր քարտով կատարված վերջին 12 գործարքները, որոնց գումարները սառեցվել են, սակայն քարտից դեռևս չեն գանձվել։ Քաղվածքը ստանալու համար անհրաժեշտ է քարտը մուտք անել բանկոմատ, առաջարկվող կոճակներից ընտրել «Լրացուցիչ ծառայություններ», այնուհետև բացվող էջից ՝ «Չհաշվանցված գործարքներ»։ Բանկոմատը անդորրագրի տեսքով Ձեզ կտրամադրի քաղվածքը։

Բանկի բանկոմատների կողմից սպասարկվող քարտերն են`

• Visa
• Visa Electron
• MasterCard
• Maestro
• American Express
• JCB
• МИР
• ARCA
• UPI

Համաձայն «Փողերի լվացման և ահաբեկչության ֆինանսավորման դեմ պայքարի մասին» օրենքի և Կենտրոնական բանկի պահանջով, փետրվարի 2-ից Ակբա բանկի վճարային տերմինալներով որոշ գործարքներ կատարելիս անհրաժեշտ կլինի անցնել նույնականացում։

Նույնականացումը պարտադիր է Ակբա բանկի, ՀՀ-ում գործող այլ բանկերի և վարկային կազմակերպությունների՝

• քարտերի և հաշիվների համալրման դեպքում,
• վարկերի մարումներ կատարելիս,

ինչպես նաև՝

• արտարժույթի փոխարկման գործարքների ժամանակ։
• Դոմոֆոն, բարեգործական վճարումներ, օնլայն գնումների դրամապանակների համալրումներ

Վճարային տերմինալով գործարքի տեսակն ընտրելուց հետո համակարգը կառաջարկի անցնել նույնականացում ՝

imID

Նույնականացում անցնելու համար անհրաժեշտ է մուտքագրել այն հեռախոսահամարը, որով ակտիվացվել է imID բջջային նույնականացումը Ձեր բջջային օպերատորի կողմից։ Հեռախոսահամարի մուտքագրումից հետո այն սմարթֆոնի վրա, որում ակտիվ է տվյալ բջջային հեռախոսահամարը կցուցադրվի պատուհան՝ PIN կոդը մուտքագրելու համար։

ՀԻՇԵՑՈՒՄ

PIN կոդը սահմանվել է Ձեր կողմից imID բջջային նույնականացումը ակտիցավնելու պահին։

ՈՒՇԱԴՐՈՒԹՅՈՒՆ

PIN կոդը 5 անգամ սխալ մուտքագրելուց հետո imID նույնականացման ֆունկցիոնալը բլոկավորվում է։ Այն ապաբլոկավորելու համար անհրաժեշտ է մոտենալ Ձեր բջջային օպերատորին։

acba digital

Օգտատերը սկանավորելու է acbamax-ով ցուցադրվող QR կոդը ՝ նույնականացում անցնելու համար։ Ծառայությունը հասանելի է լինելու բոլոր acba digital օգտատերերին ՝ անկախ քաղաքացիությունից։