Բանկը Ձեր հանձնարարականների հիման վրա իրականացնում է արժեթղթերի առք/վաճառք ՀՀ շուկայում՝ Բանկի կամ Հաճախորդի անունից և հաշվին։
Բանկը Ձեզ է ընձեռում ՀՀ արժեթղթերի շուկայում Բանկի անունից և Հաճախորդի հաշվին կամ Հաճախորդի անունից և Հաճախորդի հաշվին Հաճախորդի հանձնարարականների հիման վրա իրականացնել արժեթղթերի առք/վաճառք գործառնություններ (բրոքերային ծառայություն):
Օգտվելով բանկի կողմից առաջարկվող բրոքերային ծառայություններից` Դուք ունեք հնարավորություն ներդրումներ կատարել «ՀԱՅԱՍՏԱՆԻ ՖՈՆԴԱՅԻՆ ԲՈՐՍԱ» ԲԲԸ ֆոնդային բորսայում գնանշվող արժեթղթերում, ինչպես նաև ՀՀ չկարգավորվող արժեթղթերի շուկայում շրջանառվող արժեթղթերում:
Բանկի կողմից բրոքերային ծառայությունների մատուցումը իրականացվում է Հաճախորդի հետ կնքված Պայմանագրի հիման վրա: Պայմանագիրը կնքվում է անժամկետ և նախատեսում է Հաճախորդի կողմից միակողմանիորեն լուծելու հնարավորություն՝ այդ մասին Բանկին առնվազն 10 օր առաջ տեղեկացնելու պայմանով:
Ուշադրություն. Հանձնարարականում նշված պայմաններին համապատասխան գործարքների կատարման դեպքում արժեթղթերում ներդրումների հետ կապված վարկային, շուկայական և իրացվելիության ՌԻUԿԸ ԿՐՈՒՄ Է ՀԱՃԱԽՈՐԴԸ: Բանկը ՉԻ ՓՈԽՀԱՏՈՒՑԵԼՈՒ հաճախորդի կրած վնասները, եթե դրանք չեն առաջացել Բանկի կողմից անբարեխիղճ վարքագծի արդյունքում:
