Հարգելի հաճախորդներ,
տեղեկացնում ենք, որ ս.թ. մարտի 19-ից աշխատանքները կվերսկսեն բանկի ‹‹Էջմիածին›› և ‹‹Մեծամոր›› մասնաճյուղերը: Պայմանավորված առողջապահական անվտանգության նորմերի պահպանմամբ, վերջիններս կաշխատեն որոշ սահմանափակումներով:
Մասնաճյուղեր այցելելիս խնդրում և հորդորում ենք պահպանել հետևյալ կանոնները՝
- Գործարք կատարելուց առաջ և հետո ախտահանել ձեռքերը բանկի մասնաճյուղերում առկա հատուկ միջոցներով,
- Կրել բժշկական պաշտպանիչ դիմակներ և ձեռնոցներ,
- Աշխատակիցների և այլ հաճախորդների միջև պահպանել պատշաճ հեռավորություն,
- Հնարավորության դեպքում խուսափել մանկահասակ երեխաների հետ մասնաճյուղեր այցելելուց:
Հաշվի առնելով երկրում հայտարարված Արտակարգ դրությունն ու ստեղծված իրավիճակը, կրկին հորդորում ենք գործարքներն իրականացնել բանկի հեռավար ծառայությունների միջոցով և օգտվել՝
- ACBA Mobile բջջային հավելվածից,
- բանկի 24/7 ռեժիմով աշխատող վճարային տերմինալներից,
Ինչպես նաև՝
- մեր գործընկեր կազմակերպությունների վճարային տերմինալներից (TelCell, EasyPay, Mobidram և idram):
Հարցերի դեպքում կարող եք զանգահարել բանկի շուրջօրյա գործող 010 31 88 88, 010 31 99 99 հեռախոսահամարներին կամ գրել բանկի պաշտոնական ֆեյսբուքյան էջին: Մեր աշխատակիցները սիրով կպատասխանեն բոլոր հարցերին:
