Վարկառուների կրեդիտավորման ծախսի նվազեցումների վերաբերյալ

Հարգելի՛ հաճախորդներ, 

Տեղեկացնում ենք, որ Բանկն իրականացնում է «Սպառողական կրեդիտավորման մասին» ՀՀ օրենքով սահմանված վարկերի գծով 16.08.2019թ.-ից հետո վաղաժամկետ (ոչ հերթական) մարում  իրականացրած վարկառուների կրեդիտավորման ծախսի նվազեցումներ։ 

16.08.2019թ.-ից հետո վաղաժամկետ մարում իրականացված լինելու դեպքում, եթե տվյալ վարկի համար դեռևս չի կատարվել կրեդիտավորման ծախսի նվազեցում, 20.12.2021թ.-ից հետո վերահաշվարկված գումարները կտրամադրվեն վարկառուներին հետևյալ տարբերակներով.

•  Բանկում գործող բանկային հաշիվ ունեցող վարկառուների դեպքում վերադարձման ենթակա գումարն ավտոմատ եղանակով կփոխանցվի վարկառուի գործող բանկային հաշվին (գումարի փոխանցման համար վարկառուից որևէ գործողություն, այդ թվում, Բանկ ներկայանալ,  չի պահանջվում),
• Բանկում գործող բանկային հաշիվ  չունեցող վարկառուների դեպքում (վերադարձման ենթակա գումարի առկայության դեպքում վարկառուները կծանուցվեն այդ մասին) վերադարձման ենթակա գումարը կտրամադրվի վարկառուին՝ Բանկ դիմելու դեպքում։