UBPAY

Ներկայացնել անձը հաստատող փաստաթուղթ՝ ՀՀ Կառավարության 22.12.1999թ. թիվ 767 որոշման համաձայն և փոխանցման կոդը (համակարգի կոդերը բաղկացած են 12, 14, 16 նիշերից):

• Փոխանցման կատարման արագություն` 5-10 րոպե,
• Դրամական փոխանցումը ենթակա է ստացման 6 ամսվա ընթացքում: Այս դեպքում միջնորդավճարը հետ չի վերադարձվում

• Փոխանցման տվյալների փոփոխությունը, ինչպես նաև չեղյալացումը իրականացվում է անվճար համաձայն ուղարկողի գրավոր դիմումի, անձը հաստատող փաստաթղթի հիման վրա,
• Կատարված փոխանցումները չեն կարող չեղյալ համարվել, եթե գումարը վճարվել է ստացողին և ստացողը հրաժարվում է փոխանցված գումարը վերադարձնել,
• Փոխանցման մեջ առկա սխալների ուղղումը, ինչպես նաև փոխանցման չեղյալացումը իրականացվում են փոխանցող և ստացող բանկերի հնարավորության սահմաններում և ժամկետներում,
• Փոխանցման չեղյալացման դեպքում գումարը հաճախորդին վերադարձվում է առանց միջնորդավճարի,
• Եթե փոխանցվող միջոցներն արդեն վճարված են, ապա Բանկը պատասխանատվություն չի կրում գումարների վերադարձման համար,
• Բանկը փոխանցվող գումարի ընդունումը, ինչպես նաև ստացված գումարի վճարումը հաճախորդին կատարում է փոխանցման արժույթով, ինչպես նաև ցանկության դեպքում այլ արժույթով` փոխարկումով,
• Բանկը պատասխանատվություն չի կրում փոխանցման կոդը կամ փաստաթղթերի սկան պատճեն հաճախորդի կողմից երրորդ անձին տրամադրելու պատճառով առաջացած հետևանքների համար:

Ռուսաստան, Ղազախստան, Ղրղզստան, Ուզբեկստան, Հունաստան, Թուրքիա, Իսրայել, Կիպրոս:

• Մեկ գործարքի գումարը չի կարող գերազանցել. 5 000 000 դրամը, 10 000 ԱՄՆ դոլարը/եվրոն և 500 000 ռուսական ռուբլին
• Մեկ գործարքի գումարը չի կարող պակաս լինել. 1 000 դրամից, 2 ԱՄՆ դոլարից/եվրոյից և 100 ռուսական ռուբլուց,
• Ամսական կտրվածքով մեկ անձի կողմից փոխանցվող ընդհանուր գումարը չի կարող գերազանցել. 20 000 000 դրամը, կամ 50 000 ԱՄՆ դոլարըշ եվրոն կամ 5 000 000 ռուսական ռուբլին:

Բանկը պարտավոր է տրամադրել յուրաքանչյուր փոխանցման կատարումը հավաստող փաստաթուղթ, որտեղ նշված կլինի փոխանցման գումարը, արժույթը, վճարված միջնորդավճարի չափը և այլ մանրամասներ:

Կատարվող գործառնությունների նպատակն ու իրական շահառուներին պարզելու նպատակով, «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված կարգով Բանկը կարող է պահանջել լրացուցիչ փաստաթղթեր, պարզաբանումներ , նյութեր և կարող է կասեցնել գործառնությունները կամ հրաժարվել դրանք կատարելուց, եթե Բանկի կարծիքով գործարքները հիմնավորող բավարար ապացույցներ չեն ներկայացվում:

Հարգելի հաճախորդներ․

Տեղեկացնում ենք Ձեզ, որ հաճախակի են դարձել զեղծարարության այնպիսի դեպքերը, որոնցում օգտագործվում են դրամական փոխանցումների համակարգերը: Շատ հաճախ զեղծարարության «զոհ» են դառնում այն քաղաքացիները, ովքեր ցանկանում են գնել մեքենա, էլեկտրոնիկա եւ այլ սարքավորումներ գրավիչ գներով, եւ շատ բարենպաստ պայմաններով: Խարդախություն իրականացնող անձինք ապրանքների վաճառքի մասին ինֆորմացիան հրապարակում են ինտերնետային տարբեր կայքերում, ապա էլեկտրոնային նամակագրության միջոցով պոտենցիալ գնորդին խնդրում են դրամական փոխանցումների համակարգերի օգնությամբ փոխանցել որոշակի գումար, որպես կանխավճար: Հաճախակի են նաև այնպիսի դեպքերը, երբ էլեկտրոնային փոստի միջոցով անհայտ անձանց կողմից քաղաքացիներին ուղղվում են առաջին հայացքից գրավիչ առաջարկներ` խոստանալով որոշակի գումարի դիմաց և որոշ կազմակերպչական հարցերի լուծումից հետո տվյալ անձի բանկային հաշվին փոխանցել խոշոր գումար, որի ծագման աղբյուրը, իբր, վիճակախաղի շահումն է, ժառանգությունը, ապահովագրական հատուցումը և այլն: Վերոնկարագրյալ դեպքերում «գործարքի մաքրության» պատրանք ստեղծելով, զեղծարարները «զոհին» խնդրում են մինչ ապրանքի կամ խոշոր գումարի ստանալը չտրամադրել իրենց ուղարկված փոխանցման հսկիչ համարը, սակայն պահանջում են ուղարկել փոխանցման իրականացման ժամանակ գնորդին տրամադրված փաստաթղթերի սկան պատճենը, դրանցում թաքցնելով հսկիչ համարը. Այսպիսով, փոխանցման վերաբերյալ մանրամասն տեղեկություններ ունենալով, խարդախություն իրականացնողներին հաջողվում է ստանալ նաև ուղարկված ամբողջ գումարը:

• չփոխանցել միջոցներ անհայտ կամ հորինված անուններով անձանց
• չտրամադրել դրամական փոխանցման հսկիչ համարը կամ փաստաթղթերի սկան պատճեն անհայտ կամ անծանոթ անձանց
• կասկածի տակ դնել և մանրամասն ուսումնասիրել վաճառվող մեքենաների, էլեկտրոնիկայի, կենցաղային տեխնիկայի կամ ծառայությունների գները, որոնք զգալիորեն ցածր են իրենց շուկայական արժեքից կամ վաճառողի համար շատ անբարենպաստ պայմաննրեով են առաջարկվում:

Համակարգի միջոցով արգելվում է իրականացնել ձեռնարկատիրական, ներդրումային և առևտրային բնույթի փոխանցումներ, ինչպես նաև Համակարգը օգտագործել հեռախոսային գործակալների կողմից առաջարկվող կամ վաճառվող ապրանքների կամ ծառայությունների դիմաց վճարելու համար («տելեմարքեթինգ»)։