AMERICAN EXPRESS® BLUE

American Express® Blue Քարտի հետ տրամադրվում է ապահովագրական ծառայությունների լայն փաթեթ, որն իր մեջ ներառում է միաժամանակ մի քանի տեսակի ապահովագրական ծածկույթներ:

• American Express® Blue Քարտով կատարված գնումները պաշտպանված են գնային տատանումներից, առաքման ընթացքում վնասվելուց կամ կորստից, ինչպես նաև գնման պահից 120 օրերի ընթացքում ապահովագրված են վնասվելուց կամ գողությունից։
• American Express® Blue Քարտով կատարված գնումների համար առևտրի/սպասարկման կետի կողմից տրամադրված երաշխիքային ժամկետը կրկնապատկվում է։
• American Express® Blue Քարտն ունի անվտանգության բարձրագույն աստիճան, ինչպես նաև առանձին ապահովագրություն հնարավոր բոլոր տեսակի զեղծարարություններից:
• Առավել մանրամասն տեղեկության համար ծանոթացեք ապահովագրական ծառայությունների սահմանաչափերին և ընդհանուր պայմաններին:
• Ապահովագրական ծառայություններից օգտվելու համար անհրաժեշտ է զանգահարել բանկի շուրջօրյա սպասարկման հեռախոսային կենտրոն +374 10 31 99 99 հեռախոսահամարով կամ ուղարկել նամակ insurance@acba.am էլ. հասցեին և հայտնել միջադեպի մասին։ Ձեր կողմից ուղարկված նամակի և դրան կցված փաստաթղթերի ոչ լիարժեք կամ բացակայող փաստաթղթերի պարագայում, առավելագույնը 10 աշխատանքային օրվա ընթացքում, պատասխան նամակով Ձեզ կտեղեկացվի այդ մասին, իսկ փաստաթղթերի լիարժեք լինելու պարագայում Ձեզ կտեղեկացվի Ձեր հայտին ընթացք տալու մասին։

Օժանդակություն ճանապարհին ծառայությունը նախատեսում է Քարտատիրոջ պատվերով խափանված մարդատար ավտոմեքենայի տարհանման ծառայության մատուցում Երևան քաղաքի տարածքում:

• Երևան քաղաքում ավտոմեքենայով երթևեկելիս եղե՛ք առավել ապահով, քանի որ Դուք ունեք հնարավորություն տարեկան 2 անգամ անվճար պատվիրելու քարշակ ծառայություն՝ Ձեր նախընտրած հասցեով մեքենայի խափանման պարագայում:
• Ծառայության մանրամասներին ծանոթանալու համար կարող եք ուսումնասիրել Ճանապարհային Օժանդակություն ծառայության կանոնները և սակագները:
  
  Սակագները գործում են կանոնների շեղումով ծառայությունից օգտվել ցանկանալու պարագայում։

Ձեր հարազատները նույնպես կարող են օգտվել բոլոր այն առավելություններից, որոնք Դուք ունեք American Express® Blue Քարտի շնորհիվ, եթե պատվիրեք կից Քարտեր նրանց համար:

Ամեն անգամ, երբ կից Քարտի Քարտատերը կատարում է գործարք, դրա դիմաց կուտակվող MR միավորը ստանում եք Դուք:

• American Express® Blue Քարտը կտրամադրվի Ձեզ նվազագույնը 180 000 և առավելագույնը 2,500,000 ՀՀ դրամ վարկային գծի հնարավորությամբ:
• Վարկային միջոցներով կատարված յուրաքանչյուր վճարային գործարքի համար Ձեզ կտրամադրվի մինչև 50 օր անտոկոս ժամանակահատված, որի ընթացքում օգտագործված գումարի դիմաց տոկոսագումար չի հաշվարկվում։ Կատարված վճարային գործարքին հաջորդող ամսվա 21-րդ օրվանից սկսած՝ տոկոսագումարը կհաշվարկվի միայն օգտագործված և այդ պահի դրությամբ չմարված գումարի նկատմամբ:

• Վարկային գծի առկայությունը չի խանգարի Ձեզ American Express® Blue Քարտին ունենալ սեփական միջոցներ դրական մնացորդի տեսքով և  օգտագործել դրանք:
• Անվճար տրամադրվող SMS-տեղեկացում ծառայության շնորհիվ՝ Դուք յուրաքանչյուր գործարքից հետո կստանաք SMS տեղեկացում և կկարողանաք առավել ճկուն կառավարել Ձեր Քարտի միջոցները: 
• +374 10 31 99 99 շուրջօրյա սպասարկման հեռախոսային կենտրոնի հեռախոսահամարը մշտապես հասանելի է աշխարհի ցանկացած վայրից: Մեր  փորձառու մասնագետները պատրաստ են տրամադրել տեղեկատվություն Ձեր քարտի մասին, ինչպես նաև օժանդակել Քարտով տրամադրվող ծառայություններից օգտվելու հարցում:

Քարտի ՊԻՆ կոդը տրամադրվում է քարտը պատվիրելիս քարտապանի կողմից ընտրված տարբերակով.

• թղթային, որի դեպքում ՊԻՆ կոդը տրամադրվում է փակ ծրարի մեջ,
• SMS հաղորդագրության միջոցով, որի դեպքում քարտապանի՝ SMS հաղորդագրության ստացման համար Բանկում գրանցված հեռախոսահամարին ուղարկվում է մեկանգամյա օգտագործման վեցանիշ կոդ, որն օգտագործվում է բանկոմատի միջոցով նոր ՊԻՆ կոդի սահմանման համար:
  
  

Քարտերի վերաթողարկումը կատարվում է մինչև քարտի գործողության ժամկետի վերջին ամսվա 10-րդ աշխատանքային օրը:

Քարտի վերաթողարկման մասին որոշումը կայացվում է Բանկի կողմից՝ հիմք ընդունելով քարտով կատարված գործառնությունների ծավալը, քարտի սպասարկման միջնորդավճարի վճարումները և հաշվին առկա միջոցները, իսկ վարկային գիծ ունեցող քարտերի դեպքում՝ նաև ժամկետանց օրերի քանակը:

Քարտը փակվում է քարտով նախկինում կատարված բոլոր գործառնությունները քարտային հաշվով ձևակերպելուց հետո երեք աշխատանքային օրվա ընթացքում՝ պայմանով, որ հաշվի մնացորդը բավարարում է քարտով կատարված գործառնությունները ձևակերպելու և դրանց համար Բանկի սակագներով նախատեսված միջնորդավճարները գանձելու համար:
Քարտի փակումը հնարավոր է իրականացնել միայն բոլոր դրամային պարտավորությունները կատարելուց հետո:

Քարտի գործողության դադարեցման դիմում ներկայացնելիս քարտը Բանկին հետ չվերադարձնելու դեպքում քարտապանը լրիվ ֆինանսական պատասխանատվություն է կրում քարտի գործողության դադարեցումից հետո մինչև քարտի գործողության ժամկետի ավարտը քարտով կատարված հավաստագրում (գործառնության կատարման իրավասության ստուգում) չպահանջող գործարքների համար:

Քարտի առգրավում կատարվում է բանկոմատների կողմից, եթե

• կանխիկ գումարի ստացման/մնացորդի հարցման գործառնությունից հետո հաճախորդը բանկոմատից չի վերցրել իր քարտը,

• տեղի է ունեցել բանկոմատի կապի խափանում կամ այլ տեխնիկական անսարքություն:

Քարտի առգրավման դեպքում անհրաժեշտ է մոտենալ Բանկի մոտակա մասնաճյուղ կամ զանգահարել (+374 10) 31 88 99 կամ (+374 10) 31 88 88 հեռախոսահամարներին:

Բանկի քարտերի առգրավման դեպքում 3 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է հաճախորդին քարտը առգրաված մասնաճյուղի կողմից, եթե հաճախորդը ցանկություն չի հայտնում քարտը ստանալ այլ մասնաճյուղից:
Հայաստանյան այլ բանկի քարտերի առգրավման դեպքում 3 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է հաճախորդին: Քարտապանի չներկայանալու դեպքում Բանկի գործող ընթացակագի համաձայն քարտը փոխանցվում է քարտը թողարկող բանկին:
Արտասահմանյան բանկի քարտի առգրավման դեպքում 1 աշխատանքային օրվա ընթացքում անձը հաստատող փաստաթղթով Բանկ ներկայանալու դեպքում քարտը վերադարձվում է քարտապանին: Քարտապանի չներկայանալու դեպքում Բանկի գործող ընթացակագի համաձայն քարտը փոխանցվում է քարտը թողարկող բանկին:
Քարտը կարող է ապաբլոկավորվել միայն այն դեպքում, եթե Քարտապանը բանավոր կամ գրավոր հաստատում է տվյալ գործարքների իր կողմից կատարված լինելը:
Բանկը կարող է միակողմանիորեն բլոկավորել Քարտը՝ Քարտով տրամադրված վարկի կամ Բանկում այլ վարկերի գծով ժամկետանց պարտավորությունների առկայության դեպքում՝ մինչև ժամկետանց պարտավորությունների մարման օրվան հաջորդող առաջին աշխատանքային օրը, ինչպես նաև Պայմանագրով սահմանված կամ ՀՀ օրենսդրությամբ նախատեսված այլ դեպքերում:

Բանկը կարող է առանց Քարտապանին տեղեկացնելու բլոկավորել Քարտապանի Քարտը, եթե առկա է Քարտով զեղծարար գործարքների իրականացման վտանգ:

Պայմանագրի գործողության ընթացքում ՀՀ օրենսդրությամբ պարտադիր տրամադրման ենթակա հաշվի քաղվածքը և այլ տեղեկությունները տրամադրվում են անվճար։ ՀՀ օրենսդրությամբ ոչ պարտադիր տրամադրման ենթակա քաղվածքը, քաղվածքի կրկնօրինակը, օտարերկրյա դեսպանատներին և վիզա կենտրոններին ներկայացվող քաղվածքը տրմադարվում է.

• մինչև 6 ամիս (ներառյալ) վաղեմության դեպքում – անվճար,
• 6-ից 12 ամիս(նեառյալ) վաղեմության դեպքում – 2,000 ՀՀ դրամ (ներառյալ ԱԱՀ-ը),
• 1 տարուց ավելի վաղեմության դեպքում – 3,000 ՀՀ դրամ (ներառյալ ԱԱՀ-ը)։
  
  

Տեղեկանքի տրամադրման սակագներ՝

• տեղեկանքի ստացման դիմումի հաջորդ աշխատանքային օրերի ընթացքում - բանկի մասնաճյուղում հայտի ներկայացմանը հաջորդող աշխատանքային օրվա ընթացքում – 3,000 ՀՀ դրամ, acba digital համակարգով դիմելու դեպքում՝ 2 000 ՀՀ դրամ (ներառյալ` ԱԱՀ)։
• նույն աշխատանքային օրը 1 ժամվա ընթացքում – 5,000 ՀՀ դրամ, acba digital համակարգով դիմելու դեպքում՝ 4,000 ՀՀ դրամ (ներառյալ` ԱԱՀ)։
• առաքման ծառայության միջոցով - 4,000 ՀՀ դրամ (ներառյալ` ԱԱՀ)։
• նույն օրվա ընթացքում տեղեկանքի կրկնօրինակի տրամադրում անվճար։

Քարտապանն իրավունք ունի բողոքարկել իր Քարտով կատարված գործառնությունը վերջինիս կատարման օրվանից 55 (հիսունհինգ) օրացուցային օրվա ընթացքում:

Բանկը դիմումի ներկայացման օրվանից առավելագույնը 90 (իննսուն) օրացուցային օրվա ընթացքում Քարտապանին ներկայացնում է հիմնավոր պատասխան:

Գործարքների բողոքարման ժամանակ կիրառվում են վճարային համակարգերի կողմից սահմանված բողոքարկման կանոնները, որոնք հրապարակային փաստաթղթեր չեն և դրանց կիրառման կարգը քարտապանին ներկայացվում է բանկի աշխատակցի կողմից՝ դիմում-բողոքի դիտարկման գործընթացի շրջանակներում։

• Եթե Քարտապանի կողմից բողոքարկվող գործարքը կանխիկի ստացման գործարք է, ապա այն ենթակա է Բանկի կողմից բավարարման միայն այն դեպքում, եթե տվյալ բանկոմատը կամ կանխիկի տրամադրման կետը սպասարկող բանկն ընդունում է կանխիկ գումարի չտրամադրման փաստը:

• Եթե Քարտապանի կողմից բողոքարկվող գործարքը վճարման, ինտերնետի միջոցով իրականացված վճարման կամ Քարտի տվյալների ներկայացմամբ վճարման գործարք է, ապա այն ենթակա է Բանկի կողմից բավարարման, եթե Վճարային համակարգի կանոններով նախատեսված բողոքարկման գործընթացի շրջանակներում Բանկը հետ է ստանում բողոքարկվող գործառնության գումարը սպասարկող բանկից:

• Եթե Բանկը Քարտը սպասարկող վճարային համակարգի կանոններով նախատեսված բողոքարկման գործընթացի շրջանակներում որոշում է կայացնում չշարունակել բողոքարկման գործընթացը, սակայն Քարտապանը ցանկանում է դիմել բողոքարկման գործընթացի վերջին փուլին՝ դիմել տվյալ Վճարային համակարգի արբիտրաժային կոմիտեին, ապա արբիտրաժային կոմիտեին դիմելու համար սահմանված միջնորդավճարները, ինչպես նաև Վճարային համակարգի կողմից հօգուտ մյուս կողմի որոշում կայացնելու դեպքում Բանկի կրած ծախսերը փոխհատուցվում են Քարտապանի կողմից:

Բանկը պատասխանատվություն չի կրում.

ա) ուշացված, սխալ կամ չիրականացված գործառնությունների համար, որոնք առաջացել են առևտրի և սպասարկման կետերի կամ Վճարային համակարգի մեղքով կամ տեխնիկական պատճառներով, որոնք Բանկի ողջամիտ հսկողությունից դուրս են եղել,

բ) Բանկին չպատկանող միջոցներով իրականացված կանխիկացման կամ վճարման գործառնությունների ձախողման համար, եթե Բանկը ձախողման մեջ չի ունեցել մեղավորություն:

գ) Քարտի կամ Քարտի տվյալների միջոցով իրականացված անօրինական գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:

դ) միկրոպրոցեսորային (չիպային) քարտով ՊԻՆ կոդի միջոցով իրականացված գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:

ե) ինտերնետի միջոցով իրականացված գործառնությունների համար, եթե դա Բանկի կողմից Պայմանագրով սահմանված պարտականությունները չկատարելու հետևանք չի հանդիսացել:

զ) այն գործառնությունների համար, որոնք կատարվել են Պայմանագրում սահմանված անվտանգության կանոնների խախտմամբ:

Է) Քարտապանի ու առևտրի և սպասարկման կետերի միջև առաջացած վեճերի համար:

ը) Հաշվի, ՊԻՆ կոդի, Քարտի համարի, գաղտնաբառի և Քարտի վերաբերյալ այլ տեղեկատվությունը Բանկից անկախ պատճառներով երրորդ անձանց հայտնի դառնալու համար:

Յուրաքանչյուր ամիս Բանկը Քարտապանին տեղեկացնում է նախորդ ամսվա ընթացքում Քարտով կատարված գործառնությունների վերաբերյալ` տրամադրելով նրան քարտային հաշվից քաղվածք:

Պարտավորությունները չկատարելու կամ ոչ պատշաճ կատարելու դեպքում Քարտապանի վերաբերյալ տեղեկատվությունը ՀՀ օրենսդրությամբ և Բանկի ներքին իրավական ակտերով սահմանված կարգով կտրամադրվի ՀՀ կենտրոնական բանկի վարկային ռեգիստրին և ԱՔՌԱ վարկային բյուրոյին:

Քարտապանի դիմումի համաձայն քարտի գործողության դադարեցման, քարտի կորստի, վնասման, ՊԻՆ կոդը մոռանալու կամ այլ դեպքերում հաշվին առկա սեփական միջոցների վճարումը կատարվում է Բանկի դրամարկղից կամ այլ բանկային հաշվին փոխանցում կատարելու միջոցով` Բանկում գործող սակագների համաձայն:

Քարտի կամ քարտի տվյալների կորստի, գողության կամ քարտով զեղծարարության փորձի/զեղծարար գործառնության կատարման դեպքում, քարտապանը պարտավորվում է acba digital ինտերնետ բանկինգ համակարգի միջոցով իրականացնել քարտի բլոկավորում կամ քարտը բլոկավորելու համար անհապաղ ներկայանալ Բանկի մոտակա մասնաճյուղ քարտի բլոկավորման դիմում ներկայացնելու համար կամ զանգահարել (+374 10) 31 88 99 կամ (+374 10) 31 88 88 կամ (+374 10) 59 22 22 հեռախոսահամարներին:

Քարտի կորստի, քարտի կամ քարտի տվյալների գողության դեպքում կամ քարտով զեղծարարության փորձի/ հաստատված  զեղծարար գործառնության կատարումից հետո քարտով կատարված գործառնությունների համար մինչև Բանկին քարտի կորստի, քարտի կամ քարտի տվյալների գողության մասին հայտնելը, բացառությամբ հավաստագրում (գործառնության կատարման իրավասության ստուգում) չպահանջող գործարքների, որոնց համար մինչև քարտի գործողության ժամկետի ավարտը լրիվ ֆինանսական պատասխանատվությունը կրում է քարտապանը, եթե քարտի տվյալների գողության կամ քարտով զեղծարարության փորձի/զեղծարար գործառնության կատարման մասին Բանկ հայտնելու ժամանակ քարտը Բանկ հետ չի վերադարձվում քարտապանի կողմից:

Քարտի օգտագործման եվ անվտանգության կանոններին առավել մանարամասն ծանոթացեք այստեղ:

«ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ ԵՎ ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ»։

• Անձը հաստատող փաստաթուղթ (անձնագիր, նույնականացման քարտ, բիոմետրիկ անձնագիր և այլն)
• Հանրային ծառայությունների համարանիշ կամ դրանից հրաժարման տեղեկանք
• Եկամուտները հավաստող փաստաթուղթ (անհրաժեշտության դեպքում)
• Վարկային կոմիտեի պահանջով այլ անհրաժեշտ փաստաթղթեր։