RIA MONEY TRANSFER

Ներկայացնել անձը հաստատող փաստաթուղթ՝ ՀՀ Կառավարության 22.12.1999թ. թիվ 767 որոշման համաձայն և փոխանցման կոդը (այս համակարգի կոդերը բաղկացած են 11 թվից):

Վճարումներն ու փոխանցումներն իրականացվում են ԱՄՆ դոլարով և Եվրոյով:

• Հասցեատերը ստանում է մաքուր գումարը և ստանալուց միջնորդավճար չի վճարում,
• Համակարգում կիրառվում են հետևյալ սակագները.
  • Փոխանցման միջնորդավճարները կարող են տատանվել 0.9-3%-ի սահմաններում՝ կախված ուղարկման երկրից,
• ՀՀ-ից ուղարկվող փոխանցման միջնորդավճարը փոխանցողի կողմից վճարվում է ՀՀ դրամով:

Համակարգի պահանջով 18 տարին չլրացած անձանց փոխանցված գումարների վճա­րում, ինչպես նաև վերջիններիս կողմից դրամական միջոցների փո­խանցում չի իրականացվում:

Համակարգի միջոցով արգելվում է իրականացնել ձեռնարկատիրական, ներդրումային փոխանցումներ, ինչպես նաև Համակարգը օգտագործել հեռախոսային գործակալների կողմից առաջարկվող կամ վաճառվող ապրանքների կամ ծառայությունների դիմաց վճարելու համար («տելեմարքեթինգ»)։

Փոխանցման կատարման արագություն` 5-10 րոպե,

21 օրից հետո փոխանցման վճարումը դառնում է անհասանելի և փոխանցողը պետք է դիմի Բանկին փոխանցումը հետ ստանալու համար: Այս դեպքում միջնորդավճարը հետ չի վերադարձվում,

Համակարգը ընձեռում է փոխանցման մեջ կարճ հաղորդագրության ներառման հնարավորություն:

Փոխանցման տվյալների ճշտում և չեղյալացում

• Փոխանցման տվյալների փոփոխությունը, ինչպես նաև չեղյալացումը իրականացվում է անվճար համաձայն ուղարկողի գրավոր դիմումի, անձը հաստատող փաստաթղթի հիման վրա,
• Կատարված փոխանցումները չեն կարող չեղյալ համարվել, եթե գումարը վճարվել է ստացողին և ստացողը հրաժարվում է փոխանցված գումարը վերադարձնել,
• Փոխանցման մեջ առկա սխալների ուղղումը, ինչպես նաև փոխանցման չեղյալացումը իրականացվում են փոխանցող և ստացող բանկերի հնարավորության սահմաններում և ժամկետներում,
• Փոխանցման չեղյալացման դեպքում գումարը հաճախորդին վերադարձվում է առանց միջնորդավճարի,
• Եթե փոխանցվող միջոցներն արդեն վճարված են, ապա Բանկը պատասխանատվություն չի կրում գումարների վերադարձման համար,
• Համակարգի սպասարկման կետերի, սակագների և այլ մանրամասն տեղեկությունների համար կարող եք օգտվել www.riafinancial.com/ ինտերնետային հասցեից,
• Բանկը փոխանցվող գումարի ընդունումը, ինչպես նաև ստացված գումարի վճարումը հաճախորդին կատարում է փոխանցման արժույթով, ինչպես նաև ցանկության դեպքում այլ արժույթով` փոխարկումով,
• Բանկը պատասխանատվություն չի կրում փոխանցման կոդը կամ փաստաթղթերի սկան պատճեն հաճախորդի կողմից երրորդ անձին տրամադրելու պատճառով առաջացած հետևանքների համար:

Աշխարհագրությունը.

• ԱՄՆ, Կանադա, Ֆրանսիա, Գերմանիա, Իտալիա, Էստոնիա, Լատվիա, Լիտվա, Ղազախստան, Ղրղզստան, Ուզբեկստան, Թուրքմենստան, Վրաստան, Բելառուս, Ուկրաինա, Մոլդովա, և այլն:
• Փոխանցումները հասցեագրված են և շահառուն գումարը կարող է ստանալ այն սպասարկման կետից, որտեղ ուղարկվել է գումար:
• Մեկ փոխանցման առավելագույն գումարը կազմում է 5000 USD/EUR:Ստացող երկրի օրենսդրությամբ պայմանավորված` կարող է կիրառվել ուղարկվող դրամական միջոցների նաև այլ սահմանաչափ:
• Բանկը պարտավոր է տրամադրել յուրաքանչյուր փոխանցման կատարումը հավաստող փաստաթուղթ, որտեղ նշված կլինի փոխանցման գումարը, արժույթը, վճարված միջնորդավճարի չափը և այլ մանրամասներ:
• Կատարվող գործառնությունների նպատակն ու իրական շահառուներին պարզելու նպատակով, «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված կարգով Բանկը կարող է պահանջել լրացուցիչ փաստաթղթեր, պարզաբանումներ , նյութեր և կարող է կասեցնել գործառնությունները կամ հրաժարվել դրանք կատարելուց, եթե Բանկի կարծիքով գործարքները հիմնավորող բավարար ապացույցներ չեն ներկայացվում:
• Համաձայն Ria Money Тransfer համակարգի կանոնների՝ միևնույն անձի կողմից 30 օրացույցային օրվա ընթացքում 4000 ԱՄՆ դոլարից ավել գումարի ստացման կամ ուղարկման դեպքում, համակարգը կարող է պահանջել գումարի ծագման աղբյուրը հավաստող փաստաթուղթ, ինչպես նաև այլ հավելյալ փաստաթղթեր։

Հաճախորդների սպասարկման հեռախոսահամար +374 94 23 59 00

Աշխատանքային ժամեր. Երկ-Ուրբ` 09։00-18։00

ՈԻՇԱԴՐՈՒԹՅՈՒՆ՝ ԱՆՎՏԱՆԳՈՒԹՅԱՆ ԿԱՆՈՆՆԵՐ

Ի՞նչ անել, եթե բողոք ունես։

Ֆինանսական օգնական

www.fininfo.am
ՈՒՇԱԴՐՈՒԹՅՈՒՆ՝ «ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ» ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է:

Հարգելի հաճախորդներ․

Տեղեկացնում ենք Ձեզ, որ հաճախակի են դարձել զեղծարարության այնպիսի դեպքերը, որոնցում օգտագործվում են դրամական փոխանցումների համակարգերը: Շատ հաճախ զեղծարարության «զոհ» են դառնում այն քաղաքացիները, ովքեր ցանկանում են գնել մեքենա, էլեկտրոնիկա եւ այլ սարքավորումներ գրավիչ գներով, եւ շատ բարենպաստ պայմաններով: Խարդախություն իրականացնող անձինք ապրանքների վաճառքի մասին ինֆորմացիան հրապարակում են ինտերնետային տարբեր կայքերում, ապա էլեկտրոնային նամակագրության միջոցով պոտենցիալ գնորդին խնդրում են դրամական փոխանցումների համակարգերի օգնությամբ փոխանցել որոշակի գումար, որպես կանխավճար: Հաճախակի են նաև այնպիսի դեպքերը, երբ էլեկտրոնային փոստի միջոցով անհայտ անձանց կողմից քաղաքացիներին ուղղվում են առաջին հայացքից գրավիչ առաջարկներ` խոստանալով որոշակի գումարի դիմաց և որոշ կազմակերպչական հարցերի լուծումից հետո տվյալ անձի բանկային հաշվին փոխանցել խոշոր գումար, որի ծագման աղբյուրը, իբր, վիճակախաղի շահումն է, ժառանգությունը, ապահովագրական հատուցումը և այլն: Վերոնկարագրյալ դեպքերում «գործարքի մաքրության» պատրանք ստեղծելով, զեղծարարները «զոհին» խնդրում են մինչ ապրանքի կամ խոշոր գումարի ստանալը չտրամադրել իրենց ուղարկված փոխանցման հսկիչ համարը, սակայն պահանջում են ուղարկել փոխանցման իրականացման ժամանակ գնորդին տրամադրված փաստաթղթերի սկան պատճենը, դրանցում թաքցնելով հսկիչ համարը. Այսպիսով, փոխանցման վերաբերյալ մանրամասն տեղեկություններ ունենալով, խարդախություն իրականացնողներին հաջողվում է ստանալ նաև ուղարկված ամբողջ գումարը:

Խորհուրդ ենք տալիս.

• չփոխանցել միջոցներ անհայտ կամ հորինված անուններով անձանց
• չտրամադրել դրամական փոխանցման հսկիչ համարը կամ փաստաթղթերի սկան պատճեն անհայտ կամ անծանոթ անձանց
• կասկածի տակ դնել և մանրամասն ուսումնասիրել վաճառվող մեքենաների, էլեկտրոնիկայի, կենցաղային տեխնիկայի կամ ծառայությունների գները, որոնք զգալիորեն ցածր են իրենց շուկայական արժեքից կամ վաճառողի համար շատ անբարենպաստ պայմաննրեով են առաջարկվում:

Համակարգի միջոցով արգելվում է իրականացնել ձեռնարկատիրական, ներդրումային և առևտրային բնույթի փոխանցումներ, ինչպես նաև Համակարգը օգտագործել հեռախոսային գործակալների կողմից առաջարկվող կամ վաճառվող ապրանքների կամ ծառայությունների դիմաց վճարելու համար («տելեմարքեթինգ»)։