ՎԱՐԿ

ԲԻԶՆԵՍ ՀԻՓՈԹԵՔ

Ձեռք բեր անշարժ գույք քո բիզնեսի համար՝ Ակբայի բիզնես հիփոթեքով։

Հարմարավետություն

Վարկերը տրամադրվում են լողացող տոկոսադրույքով՝ առավելագույնը 240 ամիս ժամկետով

Ճկունություն

Գործում է վարկի ապահովման միջոցների (գրավի) ընտրության և գնահատման ճկուն համակարգ:

Բազմարժույթային վարկավորում

Վարկը հասանելի է ՀՀ դրամով, ԱՄՆ դոլարով և եվրոյով։ Գումարը փոխանցվում է անմիջապես վաճառողին։

Անհրաժեշտ տեղեկատվություն

Վարկերը տրամադրվում են իրավաբանական անձանց և ԱՁ-ներին՝ անշարժ գույքի ձեռքբերման նպատակով,
Բիզնես հիփոթեքները տրամադրվում են այն իրավաբանական անձանց և անհատ ձեռնարկատերերին, ովքեր շինարարության ոլորտում վերջին 12, արտադրության ոլորտում վերջին 6, իսկ առևտրի և սպասարկման ոլորտում վերջին 3 ամսվա ընթացքում ունեն անընդհատ աշխատանքային փորձ,
Բիզնես հիփոթեքը տրամադրվում է անկանխիկ` ՀՀ դրամով, ԱՄՆ դոլարով կամ եվրոյով (գումարը փոխանցվում է վաճառողի ընթացիկ հաշվին),
Վարկի տևողությունը - առավելագույնը 240 ամիս, նվազագույն ժամկետ սահմանված չէ,
Վարկի նվազագույն գումարը սահմանվում է 5 մլն ՀՀ դրամ, 10.000 ԱՄՆ դոլար կամ 10.000 եվրո, առավելագույն գումար սահմանված չէ,
Բիզնես հիփոթեքների դեպքում սահմանվում է կանխավճար՝ անշարժ գույքի վաճառքի գնի նվազագույնը 30%-ի չափով։ Կանխավճար կարող է չպահանջվել, եթե հաճախորդի կողմից գրավադրվում է լրացուցիչ անշարժ գույք,
Բիզնես հիփոթեքները տրամադրվում են առաջին 36 ամսվա ընթացքում հաստատուն, այնուհետև՝ լողացող տոկոսադրույքով,
Առաջին 36 ամսվա ընթացքում տոկոսադրույքը կազմում է 12.5-16.3% ՀՀ դրամի, 8.2-12.0% ԱՄՆ դոլարի և 7.2-11.0% եվրոյի համար, 37-րդ ամսվանից սկսած՝ 5.7-9.5% + լողացող բաղադրիչ ՀՀ դրամի, 6.7-10.5% + լողացող բաղադրիչ ԱՄՆ դոլարի և 6.7-10.5% + լողացող բաղադրիչ եվրոյի համար։ Առանձին դեպքերում հնարավոր է բիզնես հիփոթեքի տրամադրումը` ավելի ցածր տոկոսադրույքով,
Վարկի մայր գումարի և տոկոսագումարների մարումը կատարվում է ամսական հավասարաչափ մասերով: Փոփոխվող տոկոսադրույքով վարկերի դեպքում յուրաքանչյուր վճարման ժամանակ հիմնական գումարի մարման չափին գումարվում է գրաֆիկով սահմանված օրվա դրությամբ կուտակվող տոկոսագումարը: Գործունեության տեսակից կախված՝ հնարավոր է սահմանել տոկոսագումարի և վարկի մայր գումարի մարման այլ գրաֆիկ,
Տոկոսագումարը հաշվարկվում է վարկի նվազող մնացորդի նկատմամբ,
Բիզնես հիփոթեքների համար վարկային հաշվի բացման, վարման և սպասարկման նպատակով վարկի տրամադրման պահին հաճախորդից գանձվում է միջնորդավճար՝ վարկի գումարի 1%-ի չափով,
Բիզնես հիփոթեքի դեպքում վարկի ապահովման միջոց է հանդիսանում ձեռքբերվող անշարժ գույքը։ Ընդ որում՝ Բիզնես հիփոթեքի առարկա չի կարող լինել բնակարանը կամ բնակելի նշանակության այլ անշարժ գույքը։ Ձեռքբերվող անշարժ գույքի հետ միաժամանակ Բիզնես հիփոթեքի ապահովման միջոց կարող է(են) հանդիսանալ այլ գրավ(ներ)ը և/կամ երաշխավորություն(ներ)ը:
Անշարժ գույքի գնման նպատակով տրամադրվող Բիզնես հիփոթեքների դեպքում կարող է պահանջվել գնվող անշարժ գույքի ապահովագրում։ Ձեռքբերվող անշարժ գույքի ապահովագրությունն իրականացվում է Բանկի հետ համաձայնեցված ապահովագրական ընկերության միջոցով, Բիզնես հիփոթեքի վարկային պայմանագրի գործողության ողջ ժամանակահատվածում՝ տարեկան կտրվածքով: Ապահովագրական գումարը սահմանվում է վարկի գործողության ողջ ժամկետի ընթացքում տարեկան կտրվածքով վարկի մնացորդային գումարի չափով:

Տեղեկացեք մանրամասն.

Հնարավոր լրացուցիչ վճարումների չափի մասին՝ Վարկային սակագներ:

Էջի վերջին թարմացում՝ 10.03.2026