ԵՐԱՇԽԻՔ

Բանկը տրամադրում է երաշխիքի հետևյալ տեսակները

• մրցույթի մասնակցության երաշխիք - ապահովում է մրցույթն անցկացնող ընկերության ծախսերի փոխհատուցումը այն դեպքում, երբ մրցույթում հաղթող ճանաչված մասնակիցը հրաժարվում է կատարել իր հետագա պարտավորությունները, ինչի արդյունքում հարկ է լինում անցկացնել նոր մրցույթ,
• պայմանագրի կատարման երաշխիք - ապահովում է պատվիրատուի հանդեպ պայմանագիրը կատարող կողմի պայմանագրային պարտավորությունների պատշաճ կատարումը,
• վճարման երաշխիք - ապահովում է վաճառողի (արտահանողի) հանդեպ գնորդի (ներմուծողի) վճարային պարտավորությունների պատշաճ կատարումը,
• կանխավճարի վերադարձման երաշխիք – ապահովում է կանխավճարի գումարի փոխհատուցումը գնորդին (ներմուծողին) կամ պատվիրատուին` վաճառողի (արտահանողի) կամ պայմանագիրը կատարողի կողմից ստանձնած պայմանագրային պարտավորությունների ձախողման դեպքում,
• որակի երաշխիք - ապահովում է պայմանագիրը կատարողի կողմից կատարված աշխատանքի/մատուցված ծառայության/մատակարարված ապրանքի որակական հատկանիշների ապահովումը կամ ի հայտ եկած թերությունների ժամանակին վերացումը,
• հանդիպակաց (անուղղակի) երաշխիք (counter-guarantee)` Բանկի կողմից հօգուտ այլ առաջնակարգ բանկի տրված երաշխիք` ի ապահովումն տվյալ բանկի կողմից հօգուտ վերջնական բենեֆիցիարի ինքնուրույն և իր լրիվ պատասխանատվությամբ երաշխիքի տրամադրման:

• Երաշխիքը տրամադրվում է այն ռեզիդենտ և ոչ ռեզիդենտ իրավաբանական անձանց, տնտեսվարող սուբյեկտներին, գյուղացիական տնտեսություններին, որոնք շինարարության ոլորտում` վերջին 12, արտադրության ոլորտում վերջին 6, իսկ առևտրի և սպասարկման ոլորտում վերջին 3 ամսվա ընթացքում ունեն անընդհատ աշխատանքային փորձ, ինչպես նաև պետական հիմնարկներին և ֆինանսական կառույցներին, իսկ փոխերաշխիք՝ ոչ ռեզիդենտ կազմակերպությունների և տնտեսվարող սուբյեկտների անունից` հօգուտ այլ ռեզիդենտ և ոչ ռեզիդենտ իրավաբանական անձանց, կազմակերպությունների, տնտեսվարող սուբյեկտների, պետական հիմնարկների և ֆինանսական կառույցների: 
• Երաշխիքի արժույթ՝ ՀՀ դրամ և արտարժույթ:
• Երաշխիքի նվազագույն գումարը՝ 100 000 ՀՀ դրամ:
• Երաշխիքի առավելագույն գումարը՝  սահմանվում է Պրինցիպալի գործունեության ֆինանսատնտեսական վերլուծության արդյունքների հիման վրա:
• Երաշխիքի գործողության նվազագույն ժամկետ սահմանված չէ, իսկ առավելագույն ժամկետը սահմանված է 60 ամիս։ Հաշվի առնելով գործարքի առանձնահատկությունները, Պրինցիպալի վճարունակությունը և պայմանագրի կատարման տևողությունը`  երաշխիքի գործողության ժամկետը կարող է սահմանվել 60 ամսից ավել:

• Երաշխիքի ապահովման միջոց (գրավ) կարող են հանդիսանալ անշարժ գույքը, տրանսպորտային միջոցը (ավտոմեքենան), գյուղատնտեսական տեխնիկան, սարքավորումը, դրամական միջոցները, ապրանքանյութական այլ արժեքները, երաշխավորությունը, այլ առաջնակարգ բանկերի կողմից տրամադրված երաշխիքները, ֆինանսական հոսքը:
• Երաշխիքի գումարի արժույթով դրամական միջոցներով ապահովվածության դեպքում երաշխիքի գրավով ապահովվածության գործակցի (գրավի գնահատված արժեքի և երաշխիքի գումարի հարաբերակցության) նվազագույն սահմանաչափ է սահմանվում 100 տոկոսը, իսկ տարբեր արժույթներով դրամական միջոցներով ապահովվածության դեպքում` 120 տոկոսը:
• Երաշխիքի տրամադրման պահին գանձվում է երաշխիքի պայմանագրային ամբողջ ժամկետի տոկոսագումարը, որն անկախ երաշխիքի գործողության փաստացի տևողությունից, ենթակա չէ վերահաշվարկման և վերադարձման:
• Գանձման ենթակա միջնորդավճարի արժույթով Հաճախորդի ընթացիկ հաշիվներին բավարար միջոցներ չլինելու դեպքում Բանկն իրավունք ունի միջնորդավճարի գումարը կամ դրա մի մասը փոխարկել հաճախորդի ունեցած այլ արժույթով միջոցներից` հիմք ընդունելով գանձման օրվա դրությամբ ՀՀ դրամը այլ արժույթի փոխարկելիս` Բանկի կողմից սահմանված տվյալ արժույթի անկանխիկ վաճառքի փոխարժեք/ներ/ը, այլ արժույթը ՀՀ դրամի փոխարկելիս` անկանխիկ առքի փոխարժեք/ներ/ը` հաճախորդի տարբեր արժույթով հաշիվներից փոխարկումը կատարելով իր կողմից որոշված հերթականությամբ, եթե հաճախորդի կողմից այլ հերթականություն չսահմանվի:
• Երաշխիքի գումարը չպետք է գերազանցի գրավի գնահատված արժեքի 90.91%-ը։

Տեղեկացեք մանրամասն.

Հնարավոր լրացուցիչ վճարումների չափի և ներկայացված բոլոր կետերի վերաբերյալ մանրամասն տեղեկատվություն՝

Առևտրի ֆինանսավորման գործիքներ սակագներ:

Առևտրի ֆինանսավորման գործիքների նախկին պայմաններ:

Բացառված և հաստատման ենթակա գործունեությունների ցանկ:

• Երաշխիքի տրամադրման դրական որոշման գործոններն են՝ Պրինցիպալի վարկունակության գնահատումը և Պրինցիպալի կողմից Բենեֆիցիարի հանդեպ ստանձնելիք պարտավորությունների, ինչպես նաև դրանց ոչ պատշաճ կատարման դեպքում հնարավոր հետևանքների հստակ գիտակցումը,
• Երաշխիքի մերժման գործոններն են՝ վերլուծության արդյունքում ստացված անբավարար ֆինանսական ցուցանիշները, հաճախորդի վատ վարկային պատմությունը, անհրաժեշտ ապահովվածության անբավարարությունը/բացակայությունը, Բիզնես խորհրդատուի մասնագիտական կարծիքը, վարկային կոմիտեի մասնագիտական կարծիքը:
• Երաշխիքը ձևակերպվում է Բանկի կենտրոնական գրասենյակում և Բանկի մասնաճյուղերում, բացառությամբ Կոմիտաս, Երիտասարդական, Օպերա, Տերյան, Շինարարներ, Հոմպլեքս մոլ, Գյումրի, Անի, Աշտարակ, Արագած  մասնաճյուղերի։ Բանկի մասնաճյուղերի ամբողջական ցանկը՝ հղում։
• Երաշխիքի հայտի վերաբերյալ որոշումը կայացվում է հաճախորդի կողմից հայտը և անհրաժեշտ փաստաթղթերի փաթեթը ներկայացանելուց 1-20 բանկային օրվա ընթացքում:
• Հաճախորդին երաշխիքի հայտի քննարկման արդյունքում Բանկի կողմից կայացրած որոշումը հաղորդվում է 1 բանկային օրվա ընթացքում:
• Երաշխիքը տրամադրվում է երաշխիքի համար հաճախորդի կողմից անհրաժեշտ փաստաթղթերի ամբողջական փաթեթը ներկայացնելուց և գրավադրման գործընթացի ավարտից հետո 1-5 բանկային օրվա ընթացքում:
• Եթե երաշխիքը տրամադրվում է անշարժ գույքի, տրանսպորտային միջոցի, գյուղատնտեսական և այլ նշանակության տեխնիկայի, սարք և սարքավորումի գրավի հիման վրա, և գույքը գնահատվում է 30մլն ՀՀ դրամ և ավելի, ապա անհրաժեշտ է գույքի գնահատումն իրականացնել նաև Բանկի հետ համագործակցող որակավորված անկախ գնահատողի կողմից:
• Բանկն իրավունք ունի ֆինանսական շուկայում իր կողմից ներգրավված և տեղաբաշխված միջոցների տոկոսադրույքների տատանումների և/կամ ֆինանսավորման տոկոսադրույքի փոփոխման և/կամ նման նախադրյալների առկայության դեպքում միակողմանիորեն փոփոխել Պայմանագրով սահմանված տոկոսադրույքներն ու միջնորդավճարները` այդ մասին առնվազն 30 օրացուցային օր առաջ ծանուցելով Հաճախորդին և/կամ Պարտապանին: Փոփոխությունները կկիրառվեն ծանուցման մեջ նշված ամսաթվից սկսած:
• Գույքով ապահովված երաշխիքի դեպքում հաճախորդի կողմից կարող են կատարվել հետևյալ վճարները՝

1. Անշարժ գույքի գնահատման ծառայության վճար - 5,000 ՀՀ դրամ և ավելի միջակայքում` կախված գույքի մակերեսից և տեսակից:
2. Նոտարական ծառայության վճար` 3,000 - 15,000 ՀՀ դրամ
3. Անշարժ գույքի գրավի իրավունքի գրանցման վկայականի վճար – 2,000 - 25,000 ՀՀ դրամ
4. Միասնական տեղեկանքի (անշարժ գույքի սահմանափակումների վերաբերյալ) վճար – 10,000 ՀՀ դրամ
5. Այլ գույքերի գրավադրման հետ կապված վճարներ – 2,000 - 10,000 ՀՀ դրամ։

• ՀՀ օրենսդրությամբ ոչ պարտադիր տրամադրման ենթակա քաղվածքը, քաղվածքի կրկնօրինակը, օտարերկրյա դեսպանատներին և վիզա կենտրոններին ներկայացվող քաղվածքը տրամադրվում է.
• մինչև 6 ամիս (ներառյալ) վաղեմության դեպքում – անվճար,
• 6-ից 12 ամիս (ներառյալ) վաղեմության դեպքում – 2,000 ՀՀ դրամ (ներառյալ ԱԱՀ-ը),
• 1 տարուց ավելի վաղեմության դեպքում – 3,000 ՀՀ դրամ (ներառյալ ԱԱՀ-ը)։

Տեղեկանքի տրամադրման սակագներ՝

• տեղեկանքի ստացման դիմումին հաջորդող աշխատանքային օրերի ընթացքում - բանկի մասնաճյուղում հայտի ներկայացմանը հաջորդող աշխատանքային օրվա ընթացքում – 3,000 ՀՀ դրամ, acba digital համակարգով դիմելու դեպքում՝ 2,000 ՀՀ դրամ (ներառյալ` ԱԱՀ),
• նույն աշխատանքային օրը 1 ժամվա ընթացքում – 5,000 ՀՀ դրամ, acba digital համակարգով դիմելու դեպքում՝ 4,000 ՀՀ դրամ (ներառյալ` ԱԱՀ),
• առաքման ծառայության միջոցով - 4,000 ՀՀ դրամ (ներառյալ` ԱԱՀ),
• նույն օրվա ընթացքում տեղեկանքի կրկնօրինակի տրամադրում՝ անվճար։
• Տարաբնույթ հանգամանքներից ելնելով՝ Բանկի կողմից կարող է պահանջվել լրացուցիչ փաստաթղթեր և տեղեկատվություն։ Բանկը «Փողերի լվացման և ահաբեկչության ֆինանսավորման դեմ պայքարի մասին ՀՀ օրենքով սահմանված հաճախորդի պատշաճ ուսումնասիրության նպատակով կարող է հաճախորդից «Ճանաչիր քո հաճախորդին» (“Know your customer”) սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում տալ լրացուցիչ հարցեր: Հաճախորդի պատշաճ նույնականացման անհնարինության կամ հաշիվների սպասարկման անհնարինության դեպքում բանկի կողմից մատուցվող ծառայության հասանելիությունը կարող է սահմանափակվել: Ինչպես նաև, Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն:

Երաշխիքի գործողությունը կարող է դադարել հետևյալ դեպքերում`

• Բենեֆիցիարին երաշխիքի ողջ գումարի վճարման դեպքում,
• Երաշխիքի գործողության ժամկետի ավարտի դեպքում,
• Բենեֆիցիարի կողմից երաշխիքով սահմանված իր իրավունքներից հրաժարվելու և երաշ¬խիքի բնօրինակը Բանկին վերադարձնելու դեպքում` բնօրինակի վրա «երաշխիքի բնօրինակը վերադարձվում է Բանկին» նշումով, ստորագրված և կնքված Բենեֆիցիարի կողմից,
• Բենեֆիցիարի կողմից երաշխիքով սահմանված իր իրավունքներից հրաժարվելու և Բանկին երաշխիքով ստանձնած պարտավորություններից ազատելու մասին գրություն ներկայացնելու դեպքում,
• Բենեֆիցիարի կողմից հայտարարված մրցույթի արդյունքների հրապարակման համաձայն` Պրինցիպալի՝ մրցույթի հաղթող չճանաչվելու դեպքում,
• Բենեֆիցիարի կողմից հայտարարված մրցույթի հաղթող ճանաչվելուց հետո Պրինցիպալի կողմից Պայմանագրի կատարման և Որակավորման ապահովման երաշխիքները Բենեֆիցիարին ներկայացնելու դեպքում:
• Երաշխիքը Բանկի կողմից չի կարող վաղաժամկետ դադարեցվել Պրինցիպալի դիմումի հիման վրա: 

Երաշխիքը չի կարող հետ կանչվել երաշխիք տված անձի կողմից, եթե այլ բան նախատեսված չէ երաշխիքով: (ՀՀ Քաղաքացիական օրենսգիրք, Հոդված 386.)

Երաշխիք տված անձի հանդեպ բենեֆիցիարին երաշխիքով պատկանող պահանջի իրավունքը չի կարող փոխանցվել այլ անձի, եթե այլ բան նախատեսված չէ երաշխիքով: (ՀՀ Քաղաքացիական օրենսգիրք, Հոդված 387․)

• Բանկային երաշխիքի միջնորդավճարի հաշվարկման կարգը
• Բանկային երաշխիքի միջնորդավճարը գանձվում է թողարկման պահին և հաշվարկվում է բանաձևերով՝
• Բանկային երաշխիքի միջնորդավճարի հաշվարկ՝ տարեկան = Բանկային երաշխիքի գումար x Տարեկան տոկոսադրույք x Բանկային երաշխիքի ժամկետ
• Բանկային երաշխիքի միջնորդավճարի հաշվարկ՝ միանվագ բանկային երաշխիքի գումարի նկատմամբ = Բանկային երաշխիքի գումար (մնացորդ) x միանվագ տոկոսադրույք 

Բանկային երաշխիքի տարեկան միջնորդավճարի հաշվարկի օրինակ՝

• Բանկային երաշխիքի գումար` 5,000,000 ՀՀ դրամ
• Բանկային երաշխիքի ժամկետ՝ 36 ամիս
• Բանկային երաշխիքի միջնորդավճար՝ 3% տարեկան
• Պայմանագրային ողջ ժամկետի համար հաշվարկված միջնորդավճարը կկազմի՝ 
• 5,000,000 *3/100*3= 450,000 ՀՀ դրամ

Բանկային երաշխիքի գումարի նկատմամբ միանվագ միջնորդավճարի հաշվարկի օրինակ ՝

• Բանկային երաշխիքի գումար` 5,000,000 ՀՀ դրամ
• Բանկային երաշխիքի ժամկետ՝ 36 ամիս
• Բանկային երաշխիքի միջնորդավճար՝ 1.5% միանվագ՝ բանկային երաշխիքի գումարի նկատմամբ
• Պայմանագրային ողջ ժամկետի համար հաշվարկված միջնորդավճարը կկազմի՝ 
• 5,000,000 *1,5/100= 75,000 ՀՀ դրամ

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ ԵՎ ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ:

ՍՊԱՌՈՂԻ ԿՈՂՄԻՑ ԻՐ ՊԱՐՏԱՎՈՐՈՒԹՅՈՒՆՆԵՐԸ ԺԱՄԱՆԱԿԻՆ ՉԿԱՏԱՐԵԼՈՒ ԴԵՊՔՈՒՄ ՏՈՒՅԺԵՐԻ ՉԱՓԸ ԵՎ ԿԻՐԱՌՄԱՆ ԴԵՊՔԵՐԸ, 

ԲԵՆԵՖԻՑԻԱՐԻ (ԱՆՈՒՂՂԱԿԻ ԵՐԱՇԽԻՔԻ ԴԵՊՔՈՒՄ՝ ԹՈՂԱՐԿՈՂ ԲԱՆԿԻ) ՕՐԻՆԱԿԱՆ ԳՐԱՎՈՐ ՊԱՀԱՆՋԻ ՀԱՄԱՁԱՅՆ ՎԵՐՋԻՆԻՍ ՊԱՅՄԱՆԱԳՐՈՎ ՍԱՀՄԱՆՎԱԾ ՊԱՀԱՆՋՆԵՐԻ ՊԱՀՊԱՆՄԱՄԲ ԵՐԱՇԽԻՔԻ ԳՈՒՄԱՐՆ ԱՄԲՈՂՋՈՒԹՅԱՄԲ ԿԱՄ ՄԱՍՆԱԿԻՈՐԵՆ ՎՃԱՐԵԼՈՒ ԴԵՊՔՈՒՄ ԲԱՆԿՆ ԻՐԱՎՈՒՆՔ ՈՒՆԻ ԱՆԱԿՑԵՊՏ ԿԱՐԳՈՎ ԳԱՆՁԵԼ ԵՐԱՇԽԻՔԻ ՎՃԱՐՎԱԾ ԳՈՒՄԱՐԸ, ԻՆՉՊԵՍ ՆԱԵՎ ՊԱՅՄԱՆԱԳՐՈՎ ՍԱՀՄԱՆՎԱԾ ԿԱՐԳՈՎ ԵՎ ՉԱՓՈՎ ՀԱՇՎԱՐԿՎԱԾ ՏՈԿՈՍԱԳՈՒՄԱՐՆԵՐԸ ԵՎ ՏՈՒԺԱՆՔԸ (ԴՐԱՆՑ ԱՌԿԱՅՈՒԹՅԱՆ ԴԵՊՔՈՒՄ) ԲԱՆԿՈՒՄ ԲԱՑՎԱԾ ՊՐԻՆՑԻՊԱԼԻ ԲՈԼՈՐ, ԱՅԴ ԹՎՈՒՄ՝ ԱՐՏԱՐԺՈՒԹԱՅԻՆ ՀԱՇԻՎՆԵՐԻՑ։

ԲԱՆԿՆ ԻՐԱՎՈՒՆՔ ՈՒՆԻ ՊՐԻՆՑԻՊԱԼԻ ԲԱՆԿԱՅԻՆ ՀԱՇԻՎՆԵՐՈՒՄ ԱՆՀՐԱԺԵՇՏ ՄԻՋՈՑՆԵՐԻ ԱՆԲԱՎԱՐԱՐՈՒԹՅԱՆ ԴԵՊՔՈՒՄ ԲԵՆԵՖԻՑԻԱՐԻՆ ԵՐԱՇԽԻՔԻ ՎՃԱՐՎԱԾ ԵՎ/ԿԱՄ ՎՃԱՐՄԱՆ ԵՆԹԱԿԱ ԳՈՒՄԱՐԸ ՎՃԱՐԵԼՈՒ ՊԱՀԱՆՋ ՆԵՐԿԱՅԱՑՆԵԼ ՊՐԻՆՑԻՊԱԼԻՆ՝ 14 (ՏԱՍՆՉՈՐՍ) ՕՐԱՑՈՒՑԱՅԻՆ ՕՐ ՄԱՐՄԱՆ ԺԱՄԿԵՏՈՎ՝ ՆՇՎԱԾ ԳՈՒՄԱՐԸ ՁԵՎԱԿԵՐՊԵԼՈՎ ՈՐՊԵՍ ԵՐԱՇԽԻՔ ՏՎԱԾ ԱՆՁԻ ՀԱՆԴԵՊ ՊՐԻՆՑԻՊԱԼԻ ՊԱՐՏԱՎՈՐՈՒԹՅՈՒՆ ԵՎ ՆՇՎԱԾ ԺԱՄԿԵՏՈՒՄ ՊՐԻՆՑԻՊԱԼԻ ՊԱՐՏԱՎՈՐՈՒԹՅԱՆ ՆԿԱՏՄԱՄԲ ՀԱՇՎԵԳՐԵԼ ՏՈԿՈՍՆԵՐ՝ ՀՀ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ՍԱՀՄԱՆԱԾ ԲԱՆԿԱՅԻՆ ՏՈԿՈՍԻ ՀԱՇՎԱՐԿԱՅԻՆ ԴՐՈՒՅՔԻ ԿՐԿՆԱՊԱՏԻԿԻ ՉԱՓՈՎ, ԸՆԴ ՈՐՈՒՄ ՊՐԻՆՑԻՊԱԼԻ ԿՈՂՄԻՑ 14-ՕՐՅԱ (ՏԱՍՆՉՈՐՍՕՐՅԱ) ԺԱՄԿԵՏՈՒՄ ՉՄԱՐԵԼՈՒ ԴԵՊՔՈՒՄ՝ ՆՇՎԱԾ ԳՈՒՄԱՐԻ ՆԿԱՏՄԱՄԲ ԲԱՆԿԸ ԻՐԱՎՈՒՆՔ Է ՍՏԱՆՈՒՄ ՀԱՇՎԵԳՐԵԼ ԻՐ ԿՈՂՄԻՑ ՄԻԱԿՈՂՄԱՆԻՈՐԵՆ ՍԱՀՄԱՆՎԱԾ ՏՈՒԺԱՆՔԸ ՝ 0.13%-Ի ՉԱՓՈՎ  ՅՈՒՐԱՔԱՆՉՅՈՒՐ ԺԱՄԿԵՏԱՆՑ ՕՐՎԱ ՀԱՄԱՐ։

ՄԱՐՈՒՄՆԵՐԻ ՀԵՐԹԱԿԱՆՈՒԹՅՈՒՆԸ

ՊԱՅՄԱՆԱԳՐԻ ՇՐՋԱՆԱԿՆԵՐՈՒՄ ԺԱՄԿԵՏԱՆՑ ՊԱՐՏԱՎՈՐՈՒԹՅԱՆ ԱՌԿԱՅՈՒԹՅԱՆ ԴԵՊՔՈՒՄ ՎՃԱՐՈՒՄՆ ԱՌԱՋՆԱՀԵՐԹ ՈՒՂՂՎՈՒՄ Է ԺԱՄԿԵՏԱՆՑ ՊԱՐՏԱՎՈՐՈՒԹՅՈՒՆՆԵՐԻ ՄԱՐՄԱՆԸ՝ ՀԵՏԵՎՅԱԼ ՀԵՐԹԱԿԱՆՈՒԹՅԱՄԲ՝ ՎԱՐԿԻ ԳՈՒՄԱՐԻ և ՏՈԿՈՍԱԳՈՒՄԱՐՆԵՐԻ ՆԿԱՏՄԱՄԲ ՀԱՇՎԱՐԿՎԱԾ ՏՈՒԺԱՆՔԸ, ԺԱՄԿԵՏԱՆՑ ԱՄՍԱԿԱՆ ՄԻՋՈՆԴԱՎՃԱՐԸ (ԱՌԿԱՅՈՒԹՅԱՆ ԴԵՊՔՈՒՄ) ԺԱՄԿԵՏԱՆՑ ՏՈԿՈՍԱԳՈՒՄԱՐԸ, ԺԱՄԿԵՏԱՆՑ ՎԱՐԿԻ ԳՈՒՄԱՐԸ, ԻՍԿ ԵԹԵ ՎՃԱՐՎԱԾ ԳՈՒՄԱՐԸ ԳԵՐԱԶԱՆՑՈՒՄ Է ԺԱՄԿԵՏԱՆՑ ՊԱՐՏԱՎՈՐՈՒԹՅՈՒՆՆԵՐԸ, ԱՊԱ ԳԵՐԱԶԱՆՑՈՂ ՀԱՏՎԱԾՆ ՈՒՂՂՎՈՒՄ Է ՎԱՐԿԻ ԳՈՒՄԱՐԻ ՄԱՐՄԱՆԸ։ 

ԳՐԱՎԻ ԲՌՆԱԳԱՆՁՈՒՄ.

ԳՐԱՎԱԴՐՎԱԾ ԳՈՒՅՔԸ ԿԱՐՈՂ Է ԲՌՆԱԳԱՆՁՎԵԼ, ԵԹԵ ՊՐԻՆՑԻՊԱԼԸ ԺԱՄԱՆԱԿԻՆ ՉԿԱՏԱՐԻ ՊԱՅՄԱՆԱԳՐՈՎ ՍՏԱՆՁՆԱԾ ՊԱՐՏԱՎՈՐՈՒԹՅՈՒՆՆԵՐԸ: ԳՐԱՎԻ ԱՐԺԵՔԻ ԱՆԲԱՎԱՐԱՐ ԼԻՆԵԼՈՒ ՊԱՐԱԳԱՅՈՒՄ ՊՐԻՆՑԻՊԱԼԻ ՊԱՐՏԱՎՈՐՈՒԹՅՈՒՆՆԵՐԸ ԿՄԱՐՎԵՆ ՊՐԻՆՑԻՊԱԼԻ ԱՅԼ ԳՈՒՅՔԻ ՀԱՇՎԻՆ:

ՎԱՐԿԱՅԻՆ ՌԵԳԻՍՏՐԻՆ ՏՐԱՄԱԴՐՎՈՂ ՏԵՂԵԿԱՏՎՈՒԹՅՈՒՆ.

ՈՒՇԱԴՐՈՒԹՅՈՒՆ՝ ՁԵՐ ԿՈՂՄԻՑ ՊԱՐՏԱՎՈՐՈՒԹՅՈՒՆԸ ՉԿԱՏԱՐԵԼՈՒ ԿԱՄ ԹԵՐԻ ԿԱՏԱՐԵԼՈՒ ԴԵՊՔՈՒՄ ԲԱՆԿԸ ԱՅԴ ՏՎՅԱԼՆԵՐԸ ՈԻՂԱՐԿՈՒՄ Է ՎԱՐԿԱՅԻՆ ԲՅՈՒՐՈ, ՈՐՏԵՂ ՁԵՎԱՎՈՐՎՈՒՄ Է ՁԵՐ ՎԱՐԿԱՅԻՆ ՊԱՏՄՈՒԹՅՈՒՆԸ: ԴՈՒՔ ԻՐԱՎՈՒՆՔ ՈՒՆԵՔ ՎԱՐԿԱՅԻՆ ԲՅՈՒՐՈՅԻՑ ՏԱՐԵԿԱՆ ՄԵԿ ԱՆԳԱՄ ԱՆՎՃԱՐ ՁԵՌՔ ԲԵՐԵԼ ՁԵՐ ՎԱՐԿԱՅԻՆ ՊԱՏՄՈՒԹՅՈՒՆԸ:

ՈՒՇԱԴՐՈՒԹՅՈՒՆ՝ ՎԱՏ ՎԱՐԿԱՅԻՆ ՊԱՏՄՈՒԹՅՈՒՆԸ ԿԱՐՈՂ Է ԽՈՉԸՆԴՈՏԵԼ ՁԵԶ՝ ԱՊԱԳԱՅՈՒՄ ՎԱՐԿ, ԵՐԱՇԽԻՔ ԵՎ ԲԱՆԿԻ ԿՈՂՄԻՑ ՖԻՆԱՆՍԱՎՈՐՈՒՄ ԵՆԹԱԴՐՈՂ ՑԱՆԿԱՑԱԾ ԱՅԼ ՊՐՈԴՈՒԿՏ ՍՏԱՆԱԼՈՒ ԺԱՄԱՆԱԿ։

ԵՐԱՇԽԱՎՈՐՆԵՐԻ ՀԱՄԱՐ.

• Եթե Պրինցիպալը չկատարի պարտավորությունները, ապա Դուք եք վճարելու իր փոխարեն, վատանալու է Ձեր վարկային պատմությունը և զրկվելու եք Ձեր գույքից:
• Ձեզ տրամադրվելու է երաշխիքի, երաշխավորության պայմանագրերի օրինակ:
• Հաղորդակցումը իրականացվելու է Ձեր կողմից ընտրված եղանակով:
• 7 օր առաջ ծանուցվելու եք պայմանագրի պայմանների փոփոխության մասին:
• 1 օր առաջ հիշեցում է ուղարկվելու առկա պարտավորության վերաբերյալ:
• Բենեֆիցիարի պահանջով Բանկի կողմից Երաշխիքի գումարը վճարելու դեպքում Պրինցիպալի կողմից Բանկին այդ գումարի մարման ուշացման դեպքում՝ ամենաուշը մեկ օր հետո, Ձեզ տեղեկացնելու են այդ մասին:

ԵՐԱՇԽԱՎՈՐՆ ԻՐԱՎՈՒՆՔ ՈՒՆԻ

• Ցանկացած ժամանակ Բանկից պահանջել տեղեկատվություն Բանկի նկատմամբ Պրինցիպալի ունեցած պարտավորության մնացորդի չափի մասին:
• Պրինցիպալից հետ ստանալու իր կողմից Բանկին Երաշխիքի համար վճարած գումարները, ինչպես նաև Պրինցիպալի փոխարեն կրած այլ վնասները:

Վարկային պատմության և սքոր գնահատականի վերաբերյալ:

Տեղեկացեք մանրամասն.

Վարկառուի կողմից իր պարտավորությունները ժամանակին չկատարելու դեպքում կիրառվող տույժեր։

Բանկի հետ համագործակցող որակավորված անկախ գնահատող ընկերություններ