ԻՆԿԱՍՈ

• Ինկասո ծառայությունը մատուցվում է Բանկի կենտրոնական գրասենյակում։
• Ինկասո հաշվարկների իրականացման հետ կապված Բանկի, ինչպես նաև միջնորդ բանկ(եր)ի կողմից մատուցվող ծառայությունների դիմաց վարձատրության պահանջը ներկայացվում է ինկասո հանձնարարության ցուցումներով սահմանված կողմին: 
• Ինկասո հաշվարկների իրականացման հետ կապված հասանելիք վարձատրությունը և հատուցման ենթակա ծախսերը Կատարող բանկն իրավունք ունի պահել ինկաuավորված գումարից:
• Բանկն իրավունք ունի ֆինանսական շուկայում իր կողմից ներգրավված և տեղաբաշխված միջոցների տոկոսադրույքների տատանումների և/կամ ֆինանսավորման տոկոսադրույքի փոփոխման և/կամ նման նախադրյալների առկայության դեպքում միակողմանիորեն փոփոխել Պայմանագրով սահմանված տոկոսադրույքներն ու միջնորդավճարները` այդ մասին առնվազն 30 օրացուցային օր առաջ ծանուցելով Հաճախորդին և/կամ Պարտապանին: Փոփոխությունները կկիրառվեն ծանուցման մեջ նշված ամսաթվից սկսած:
• Ծառայությունների դադարեցման դեպքում մինչ այդ վճարված միջնորդավճարները վերահաշվարկման կամ վերադարձման ենթակա չեն:
• Ինկասո հաշվարկներ իրականացնելու կարգը կարգավորվում է օրենքով, դրան համապատասխան սահմանված բանկային կանոններով և բանկային գործունեության մեջ կիրառվող գործարար շրջանառության սովորույթներով,
• Հաճախորդի հանձնարարությունը չկատարելու կամ անպատշաճ կատարելու դեպքում էմիտենտ բանկը նրա առջև պատասխանատվություն է կրում ՀՀ Քաղաքացիական օրենսգրքի պարտավորությունների խախտման համար պատասխանատվության մասին ընդհանուր կանոններով սահմանված հիմքերով և չափով,
• Եթե հաճախորդի հանձնարարությունը չկատարելը կամ անպատշաճ կատարելը կատարող բանկի կողմից հաշվարկային գործառնություններ կատարելու կանոնների խախտման հետևանք է, ապա հաճախորդի առջև պատասխանատվությունը կարող է դրվել այդ բանկի վրա,
• Տարաբնույթ հանգամանքներից ելնելով՝ Բանկի կողմից կարող է պահանջվել լրացուցիչ փաստաթղթեր և տեղեկատվություն։ Բանկը «Փողերի լվացման և ահաբեկչության ֆինանսավորման դեմ պայքարի մասին ՀՀ օրենքով սահմանված հաճախորդի պատշաճ ուսումնասիրության նպատակով կարող է հաճախորդից «Ճանաչիր քո հաճախորդին» (“Know your customer”) սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում տալ լրացուցիչ հարցեր: Հաճախորդի պատշաճ նույնականացման անհնարինության կամ հաշիվների սպասարկման անհնարինության դեպքում բանկի կողմից մատուցվող ծառայության հասանելիությունը կարող է սահմանափակվել: Ինչպես նաև, Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն:
• ՀՀ օրենսդրությամբ ոչ պարտադիր տրամադրման ենթակա քաղվածքը, քաղվածքի կրկնօրինակը, օտարերկրյա դեսպանատներին և վիզա կենտրոններին ներկայացվող քաղվածքը տրամադրվում է.
• մինչև 6 ամիս (ներառյալ) վաղեմության դեպքում – անվճար,
• 6-ից 12 ամիս (ներառյալ) վաղեմության դեպքում – 2,000 ՀՀ դրամ (ներառյալ ԱԱՀ-ը),
• 1 տարուց ավելի վաղեմության դեպքում – 3,000 ՀՀ դրամ (ներառյալ ԱԱՀ-ը)։
• Տեղեկանքի տրամադրման սակագներ՝
• տեղեկանքի ստացման դիմումին հաջորդող աշխատանքային օրերի ընթացքում - բանկի մասնաճյուղում հայտի ներկայացմանը հաջորդող աշխատանքային
  օրվա ընթացքում – 3,000 ՀՀ դրամ, acba digital համակարգով դիմելու դեպքում՝ 2,000 ՀՀ դրամ (ներառյալ` ԱԱՀ)։
• նույն աշխատանքային օրը 1 ժամվա ընթացքում – 5,000 ՀՀ դրամ, acba digital համակարգով դիմելու դեպքում՝ 4,000 ՀՀ դրամ (ներառյալ` ԱԱՀ)։
• առաքման ծառայության միջոցով - 4,000 ՀՀ դրամ (ներառյալ` ԱԱՀ)։
• նույն օրվա ընթացքում տեղեկանքի կրկնօրինակի տրամադրում՝ անվճար։

ՀՀ Քաղաքացիական օրենսգիրք, Հոդված 943 ․

1. Որևէ փաստաթղթի բացակայության կամ փաստաթղթերի արտաքին հատկանիշների ինկասո հանձնարարությանն անհամապատասխանության դեպքում կատարող բանկը պարտավոր է այդ մասին անհապաղ ծանուցել այն անձին, ումից ստացվել է ինկասո հանձնարարությունը: Նշված թերությունները չվերացվելու դեպքում բանկն իրավունք ունի առանց կատարելու հետ վերադարձնել փաստաթղթերը:

2. Փաստաթղթերը վճարողին ներկայացվում են այն ձևով, որով դրանք ստացվել են, բացառությամբ ինկասո գործառնությունները ձևակերպելու համար անհրաժեշտ բանկերի նշումների և մակագրությունների:

3. Եթե փաստաթղթերը ենթակա են վճարման ըստ ներկայացման, կատարող բանկը պետք է ինկասո հանձնարարությունն ստանալուց հետո անհապաղ վճարի դրանք:

Եթե փաստաթղթերը ենթակա են վճարման այլ ժամկետում, կատարող բանկն ինկասո հանձնարարությունն ստանալուց հետո փաստաթղթերն անհապաղ պետք է ներկայացնի ակցեպտի` վճարողի ակցեպտն ստանալու համար, իսկ վճարի պահանջը պետք է կատարվի ոչ ուշ, քան փաստաթղթում նշված վճարման ժամկետի վրա հասնելը:

4. Մասնակի վճարները կարող են ընդունվել բանկային կանոններով սահմանված դեպքերում կամ ինկասո հանձնարարության մեջ հատուկ թույլտվության առկայությամբ:

5. Կատարող բանկը պետք է ստացված (ինկասավորված) գումարներն անհապաղ հանձնի էմիտենտ բանկի տնօրինությանը, որը պարտավոր է այդ գումարները մուտքագրել հաճախորդի հաշվում: Կատարող բանկն իրավունք ունի իրեն հասանելիք վարձատրությունը և ծախսերի հատուցումը պահել ինկասավորված գումարներից:

ՈՒՇԱԴՐՈՒԹՅՈՒՆ

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ ԵՎ ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ:

Տեղեկացեք մանրամասն.

Առևտրի ֆինանսավորման գործիքների սակագներ:

Առևտրի ֆինանսավորման գործիքների նախկին պայմաններ: 

Բացառված և հաստատման ենթակա գործունեությունների ցանկ։ 

Արտահանման ինկասոյի առավելությունները.

• վճարումները ստանալու առավել ապահով տարբերակ է, մասնավորապես` ծովային փոխադրումների ժամանակ, երբ բնօրինակ նավաբեռնագրերը չեն հանձնվում գնորդին մինչև վերջինիս կողմից գումարի վճարումը կամ մուրհակի ակցեպտը,
• հնարավոր է պահանջել գնորդի բանկի ակցեպտավորված մուրհակի վճարման երաշխիք,
• հաճախ կիրառվում է որպես ակրեդիտիվին այլընտրանք, երբ գնորդի և մատակարարի միջև հարաբերությունները հիմնված են բավարար փոխադարձ վստահության վրա:

Ներմուծման ինկասոյի առավելությունները.

• Դուք կարող եք ապրանքների դիմաց վճարումը կամ ակցեպտը կատարել առաքման փաստաթղթերին ծանոթանալուց հետո,
• գործարքի բարդության աստիճանը և փաստաթղթավորումը նվազեցված է, ինչը հաճախ արդյունք է դառնում համեմատաբար ցածր բանկային սակագների,
• համապատասխան պահանջներին բավարարելու դեպքում Բանկը պատրաստ է ֆինանսավորել Ձեր գործարքները,

1. Ո՞ր դեպքում է ավելի նպատակահարմար օգտագործել ինկասոն, այլ ոչ թե փաստաթղթային ակրեդիտիվը:

- Փաստաթղթային ակրեդիտիվը նպատակահարմար է կիրառել այն դեպքում, երբ գնորդը և վաճառողը չեն ճանաչում միմյանց, և վաճառողը վստահ չէ գնորդի վճարունակության վրա, իսկ գնորդն իր հերթին վստահ չէ որ վաճառողը կառաքի ապրանքը: Ինկասոյի դեպքում գնորդն ու վաճառողը ճանաչում են միմյանց, և վաճառողը վստահ է, որը գնորդը կվճարի ուղարկված փաստաթղթերի դիմաց:

2. Հնարավո՞ր է ինկասո գործարքի իրականացման դեպքում ստանալ ֆինանսավորում:

- Ինկասո գործարքի իրականացման ընթացքում հնարավոր է ստանալ ֆինանսավորում մուրհակի զեղչման միջոցով: Զեղչելով հետաձգված վճարման պայմանով մուրհակը` Բանկը վճարում է հաճախորդին/գնորդին մուրհակի անվանական արժեքը` նվազեցված համապատասխան զեղչատոկոսի չափով: