Հետֆինանսավորմամբ ակրեդիտիվը հնարավորություն է տալիս գնել ապրանք՝ առանց անմիջապես վճարելու։ Բանկը վճարում է մատակարարին, իսկ դու վերադարձնում ես գումարը հետաձգված ու մատչելի պայմաններով։
Ակրեդիտիվի բացումը և գործարկումը ձևակերպվում է պարզ գործընթացով։ Պահանջվող փաստաթուղթը հիմնականում նախնական հաշիվ-ապրանքագիրն է։
Հետֆինանսավորմամբ ակրեդիտիվն ավելացնում է քո բանկային հուսալիությունը։ Մատակարարը վստահ է, որ բանկը կվճարի ապրանքի դիմաց։
Հնարավոր է որպես գրավ ներկայացնել հենց ձեռք բերվող գույքը։ Սա բեռ չի դառնում բիզնեսիդ մնացած ակտիվների համար։
1. Ի՞նչ տեսակի ապրանքների գնման դեպքում կարող է թողարկվել հետֆինանսավորմամբ ակրեդիտիվ.
- Հետֆինանսավորմամբ ակրեդիտիվը թողարկվում է հիմնական միջոցների ձեռքբերման համար, սակայն քննարկելի է նաև շրջանառու միջոցների դեպքում։
2. Արդյո՞ք Հետֆինանսավորմամբ ակրեդիտիվի կիրառման դեպքում ներմուծվող ապրանքի դիմաց վճարվում է ապրանքը գնորդին հասնելուց հետո.
- Ակրեդիտիվի շրջանակներում վճարումն իրականացվում է պահանջվող փաստաթղթերի դիմաց՝ համաձայն ակրեդիտիվով սահմանված վճարման պայմանների (անմիջական վճարում, հետաձգված վճարում), և անկախ է ապրանքը փաստացի առաքման վայր հասնելուց:
3. Ինչպիսի՞ փաստաթուղթ է անհրաժեշտ ներկայացնել Հետֆինանսավորմամբ ակրեդիտիվի թողարկման համար.
- Փաստաթղթային ակրեդիտիվը թողարկվում է համաձայն հաճախորդի հրահանգների (դիմումի): Բացի այդ, ակրեդիտիվի թողարկման նախապայման է հանդիսանում վաճառողի կողմից դուրս գրված նախնական հաշիվ-ապրանքագիրը։
