ՖԱԿՏՈՐԻՆԳ

Բանկը տրամադրում է ֆակտորինգի հետևյալ տեսակները` 

Ըստ առևտրային գործարքի բնույթի՝

• տեղական ֆակտորինգ՝ ՀՀ դրամով և արտարժույթով, որի դեպքում և՛ հաճախորդը, և' պարտապանը հանդիսանում են ՀՀ ռեզիդենտ իրավաբանական անձ կամ անհատ ձեռնարկատեր։ 
• արտահանման ֆակտորինգ՝ ՀՀ դրամով և արտարժույթով, որի դեպքում հաճախորդը հանդիսանում է ՀՀ ռեզիդենտ իրավաբանական անձ կամ անհատ ձեռնարկատեր, իսկ պարտապանը` ոչ ռեզիդենտ իրավաբանական անձ կամ անհատ ձեռնարկատեր։ 

Ըստ հետպահանջի իրավունքի՝

• ռեգրեսային (հետպահանջի իրավունքով) ֆակտորինգ` ֆակտորինգ, պայմանով, որ պարտապանի կողմից իր վճարային պարտավորությունները չկատարելու կամ ոչ պատշաճ կատարելու դեպքում Բանկը հաճախորդի նկատմամբ ձեռք է բերում հետադարձ պահանջի իրավունք,
• ոչ ռեգրեսային ֆակտորինգ (առանց հետպահանջի իրավունքի)` ֆակտորինգ, պայմանով, որ Բանկը կրում է պարտապանի կողմից վճարային պարտավորությունները չկատարելու կամ ոչ պատշաճ կատարելու ողջ ռիսկը` առանց հաճախորդի նկատմամբ հետադարձ պահանջի իրավունքի:

Համայքների ֆակտորինգ

Համայնքների նկատմամբ դրամական պահանջի զիջման դիմաց առանց հետպահանջի իրավունքի ֆինանսավորումը տրամադրվում է ՀՀ ռեզիդենտ իրավաբանական անձանց և անհատ ձեռնարկատերերին, որոնք ապրանքներ տրամադրելու, աշխատանքներ կատարելու կամ ծառայություններ մատուցելու պայմանագիր են կնքել ՀՀ համայնքների հետ: Կազմակերպության կողմից Բանկին կարող են զիջվել մեկից ավելի համայնքների նկատմամբ ունեցած դրամական պահանջներ:

• Ֆակտորինգները տրամադրվում են առևտրի ոլորտում` նվազագույնը 3, արտադրության` 6, շինարարության` նվազագույնը 12 ամիս անընդմեջ տնտեսական գործունեություն ծավալած ՀՀ ռեզիդենտ իրավաբանական անձանց և անհատ ձեռնարկատերերին:
• Հաճախորդը կամ նրա փոխկապակցված անձը և Պարտապանը պետք է ունենան նվազագույնը 3 ամիս տևողությամբ գործարար հարաբերություններ, բացառությամբ ՀԱԱԳ-ի ապահովագրությամբ (Միջազգային ֆակտորինգի ապահովագրություն) կամ Բանկի համար ընդունելի այլ բանկի երաշխիքով կամ ակրեդիտիվով տրամադրվող արտահանման ֆակտորինգների, որոնց դեպքում նվազագույն ժամկետ չի սահմանվում:
• Հաճախորդի ֆակտորինգի առավելագույն սահմանաչափի գործողության ժամկետը կազմում է մինչև 36 ամիս, իսկ նվազագույն ժամկետ սահմանված չէ:
• Ֆակտորինգների առավելագույն տևողությունը 120 օրացուցային օր։ Առանձին դեպքերում, կախված Պարտապանի վարկանիշից և շուկայում զբաղեցրած դիրքերից առավելագույն տևողությունը կարող է կազմել 180 օրացուցային օր: Արտահանման ֆակտորինգների դեպքում պարտավորության կատարման վերջնաժամկետ է համարվում Հաճախորդի և Պարտապանի միջև կնքված արտահանման պայմանագրով սահմանված պարտավորության կատարման վերջնաժամկետին հաջորդող երրորդ աշխատանքային օրը:
• Ֆակտորինգների տրամադրումն իրականացվում է Հաճախորդի կողմից ֆակտորինգային ֆինանսավորման հայտ-համաձայնագրի և զիջվող դրամական պահանջի իրավունքը հավաստող փաստաթղթերի հիման վրա:
• Ֆինանսավորման նվազագույն գումար սահմանված չէ:
  
  

Տեղական և Արտահանման ֆակտորինգի առավելագույնի չափը՝ եթե ապահովված չէ ՀԱԱԳ ապահովագրությամբ կամ այլ բանկի երաշխիքով/ակրեդիտիվով՝	Տեղական և Արտահանման ֆակտորինգի առավելագույնի չափը՝ եթե ապահովված է ՀԱԱԳ ապահովագրությամբ կամ այլ բանկի երաշխիքով/ակրեդիտիվով՝
հաշիվ-ապրանքագրի մինչև 90%-ը – ՀՀ դրամ, արտարժույթի դեպքում՝  80%-ը։	հաշիվ-ապրանքագրի մինչև 95%, եթե ֆակտորինգային ֆինանսավորումը կատարվում է արտահանման պայմանագրի արժույթով և մինչև 85%-ը, եթե ֆակտորինգային ֆինանսա վորումն իրականացվում է արտահանման պայմանագրի արժույթից տարբեր արժույթով։

• Ֆակտորինգի գումարի վերադարձը կատարվում է Պարտապանի կողմից, իսկ միջնորդավճարի և տոկոսագումարների վճարումը կատարվում է Հաճախորդի կողմից, եթե այլ բան նախատեսված չէ Հայտ-համաձայնագրով: Ընդ որում, ֆակտորինգի գումարի վերադարձը և տոկոսագումարների վճարումը կատարվում է Պարտապանի կողմից Հաճախորդին վճարված գումարներից։
• Բանկի կողմից hաճախորդի դրամական պահանջի զիջման դիմաց ֆինանսավորումից և պարտապանի կողմից պարտավորությունը սահմանված ժամկետում ամբողջությամբ կատարելուց հետո Բանկը նույն օրը կատարում է վերջնահաշվարկ և հաճախորդի բանկային հաշվին է փոխանցում զիջված դրամական պահանջի դիմաց վճարման ենթակա գումարի մնացած (չֆինանսավորված) մասը` նվազեցված հաշվարկված տոկոսագումարի, տուժանքի չափով։
• Ֆակտորինգի ապահովման միջոց կարող են հանդիսանալ անշարժ գույքը, տրանսպորտային միջոցը (ավտոմեքենան), գյուղատնտեսական տեխնիկան, սարքավորումը, դրամական միջոցները, ապրանքանյութական այլ արժեքները, երաշխավորությունը, այլ առաջնակարգ բանկերի կողմից տրամադրված երաշխիքները, ֆինանսական հոսքը, երաշխավորությունը, այլ բանկի կողմից տրված երաշխիքը կամ ակրեդիտիվը` տրված ֆակտորինգային ֆինանսավորման արժույթով, ՀԱԱԳ-ի ապահովագրությունը։
• Բանկի որոշմամբ Ֆակտորինգը կարող է տրամադրվել նաև առանց գրավի։
• Ֆակտորինգի գումարը չպետք է գերազանցի գրավի գնահատված արժեքի 90.91%-ը։

Տեղեկացեք մանրամասն.

Հնարավոր լրացուցիչ վճարումների չափի և ներկայացված բոլոր կետերի վերաբերյալ մանրամասն տեղեկատվություն՝ 

Առևտրի ֆինանսավորման գործիքների սակագներ։

Առևտրի ֆինանսավորման սակագների նախկին պայմաններ։

Բացառված և հաստատման ենթակա գործունեությունների ցանկ:

Հայաստանի արտահանման ապահովագրական գործակալություն (ՀԱԱԳ)

• Բանկը յուրաքանչյուր Հաճախորդի համար սահմանում է ֆակտորինգային ֆինանսավորման առավելագույն սահմանաչափ` ելնելով Հաճախորդի ֆինանսական վիճակից, վճարունակությունից, վաճառքի ծավալներից, վարկային պատմությունից, Պարտապանի հետ կնքված ապրանքներ տրամադրելու, աշխատանքներ կատարելու կամ ծառայություններ մատուցելու պայմանագրի ընդհանուր գնից,
• Սահմանաչափի մերժման գործոններն են՝ վերլուծության արդյունքում ստացված անբավարար ֆինանսական ցուցանիշները, հաճախորդի վատ վարկային պատմությունը, անհրաժեշտ ապահովվածության անբավարարությունը/բացակայությունը Բիզնես խորհրդատուի մասնագիտական կարծիքը, վարկային կոմիտեի մասնագիտական կարծիքը,
• Ֆակտորինգիային ֆինանսավորման առավելագույն սահմանաչափի վերաբերյալ որոշումը կայացվում է հաճախորդի կողմից հայտը և անհրաժեշտ փաստաթղթերի փաթեթը ներկայացանելուց 1-20 բանկային օրվա ընթացքում,
• Հաճախորդին Բանկի կողմից կայացրած որոշումը հաղորդվում է 1 բանկային օրվա ընթացքում,
• Սահմանաչափը տրամադրվում է  հաճախորդի կողմից անհրաժեշտ փաստաթղթերի ամբողջական փաթեթը ներկայացնելուց և գրավադրման գործընթացի ավարտից հետո 1-5 բանկային օրվա ընթացքում,
• Բանկը ֆակտորինգի համար անհրաժեշտ փաստաթղթերը ստանալուց հետո 5 (հինգ) աշխատանքային օրվա ընթացքում ստուգում է դրանք և հավաստիանալով, որ դրամական պահանջն իրական է՝ ֆինանսավորում կատարելու մասին որոշում է կայացնում:
• ֆինանսավորում կատարելու մասին որոշում կայացնելուց հետո 1 (մեկ) աշխատանքային օրվա ընթացքում Բանկը Հաճախորդի բանկային հաշվին է փոխանցում Ֆինանսավորման գումարը,
• Ֆակտորինգը ձևակերպվում է Բանկի Կենտրոնական գրասենյակում  և մասնաճյուղերում, բացառությամբ Կոմիտաս, Երիտասարդական, Օպերա, Տերյան, Շինարարներ, Հոմպլեքս մոլ, Գյումրի, Անի, Աշտարակ, Արագած  մասնաճյուղերի։ Բանկի մասնաճյուղերի ամբողջական ցանկը՝ այստեղ,
• Արտարժույթի փոխարժեքի փոփոխությունները կարող են ազդեցություն ունենալ Ֆակտորինգի մարումների վրա այն դեպքում, երբ ֆինանսավորումը տրամադրված է արտարժույթով,
• Արտարժութային ֆակտորինգների դեպքում տարեկան փաստացի տոկոսադրույքի հաշվարկի համար հիմք է հանդիսանում վարկի տրամադրման օրվա դրությամբ ՀՀ ԿԲ պաշտոնական կայքէջում հրապարակված փոխարժեքը, ընդ որում տարեկան փաստացի տոկոսադրույքը կարող է փոփոխվել՝ կախված Հայաստանի Հանրապետության կենտրոնական բանկի պաշտոնական կայքէջում հրապարակված փոխարժեքի մեծության փոփոխությունից:
• Բանկն իրավունք ունի ֆինանսական շուկայում իր կողմից ներգրավված և տեղաբաշխված միջոցների տոկոսադրույքների տատանումների և/կամ ֆինանսավորման տոկոսադրույքի փոփոխման և/կամ նման նախադրյալների առկայության դեպքում միակողմանիորեն փոփոխել Պայմանագրով սահմանված տոկոսադրույքներն ու միջնորդավճարները` այդ մասին առնվազն 30 օրացուցային օր առաջ ծանուցելով Հաճախորդին և/կամ Պարտապանին: Փոփոխությունները կկիրառվեն ծանուցման մեջ նշված ամսաթվից սկսած:
• Հաճախորդը Բանկի հանդեպ պատասխանատվություն է կրում զիջման առարկա դրամական պահանջն ամբողջությամբ կամ մասամբ իրական չլինելու դեպքում, իսկ ռեգրեսային ֆակտորինգի դեպքում նաև Պայմանագրով սահմանված պարտավորության չկատարման կամ ոչ պատշաճ կատարման դեպքում:
• Եթե ֆակտորինգը տրամադրվում է անշարժ գույքի, տրանսպորտային միջոցի, գյուղատնտեսական և այլ նշանակության տեխնիկայի, սարք և սարքավորումի գրավի հիման վրա, և գույքը գնահատվում է 30մլն ՀՀ դրամ և ավելի, ապա անհրաժեշտ է գույքի գնահատումն իրականացնել նաև Բանկի հետ համագործակցող որակավորված անկախ գնահատողի կողմից,
• Գույքով ապահովված ֆակտորինգի դեպքում հաճախորդի կողմից կարող են կատարվել հետևյալ վճարները՝

1. Անշարժ գույքի գնահատման ծառայության վճար - 5,000 ՀՀ դրամ և ավելի միջակայքում` կախված գույքի մակերեսից և տեսակից:
2. Նոտարական ծառայության վճար` 3,000 - 15,000 ՀՀ դրամ
3. Անշարժ գույքի գրավի իրավունքի գրանցման վկայականի վճար – 2,000 - 25,000 ՀՀ դրամ
4. Միասնական տեղեկանքի (անշարժ գույքի սահմանափակումների վերաբերյալ) վճար – 10,000 ՀՀ դրամ
5. Այլ գույքերի գրավադրման հետ կապված վճարներ – 2,000 - 10,000 ՀՀ դրամ։

• ՀՀ օրենսդրությամբ ոչ պարտադիր տրամադրման ենթակա քաղվածքը, քաղվածքի կրկնօրինակը, օտարերկրյա դեսպանատներին և վիզա կենտրոններին ներկայացվող քաղվածքը տրամադրվում է.
• մինչև 6 ամիս (ներառյալ) վաղեմության դեպքում – անվճար,
• 6-ից 12 ամիս (ներառյալ) վաղեմության դեպքում – 2,000 ՀՀ դրամ (ներառյալ ԱԱՀ-ը),
• 1 տարուց ավելի վաղեմության դեպքում – 3,000 ՀՀ դրամ (ներառյալ ԱԱՀ-ը)։
• Տեղեկանքի տրամադրման սակագներ՝
• տեղեկանքի ստացման դիմումին հաջորդող աշխատանքային օրերի ընթացքում - բանկի մասնաճյուղում հայտի ներկայացմանը հաջորդող աշխատանքային օրվա ընթացքում – 3,000 ՀՀ դրամ, acba digital համակարգով դիմելու դեպքում՝ 2,000 ՀՀ դրամ (ներառյալ` ԱԱՀ)։
• նույն աշխատանքային օրը 1 ժամվա ընթացքում – 5,000 ՀՀ դրամ, acba digital համակարգով դիմելու դեպքում՝ 4,000 ՀՀ դրամ (ներառյալ` ԱԱՀ)։
• առաքման ծառայության միջոցով - 4,000 ՀՀ դրամ (ներառյալ` ԱԱՀ)։
• նույն օրվա ընթացքում տեղեկանքի կրկնօրինակի տրամադրում՝ անվճար։
• Տարաբնույթ հանգամանքներից ելնելով՝ Բանկի կողմից կարող է պահանջվել լրացուցիչ փաստաթղթեր և տեղեկատվություն։ Բանկը «Փողերի լվացման և ահաբեկչության ֆինանսավորման դեմ պայքարի մասին ՀՀ օրենքով սահմանված հաճախորդի պատշաճ ուսումնասիրության նպատակով կարող է հաճախորդից «Ճանաչիր քո հաճախորդին» (“Know your customer”) սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում տալ լրացուցիչ հարցեր: Հաճախորդի պատշաճ նույնականացման անհնարինության կամ հաշիվների սպասարկման անհնարինության դեպքում բանկի կողմից մատուցվող ծառայության հասանելիությունը կարող է սահմանափակվել: Ինչպես նաև, Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն:

Ֆակտորինգի տոկոսագումարի հաշվարկման և տրամադրման միջնորդավճարի հաշվարկման կարգը

• Ֆակտորինգի դիմաց Բանկին վճարվող միջնորդավճարը հաշվարկվում է Բանկին զիջվող դրամական պահանջի ամբողջ գումարից և գանձվում է Հաճախորդի կամ Պարտապանի բանկային հաշվից ֆակտորինգային ֆինանսավորման պահին: Ֆակտորինգը ժամկետից շուտ մարվելու դեպքում Բանկին վճարվող միջնորդավճարը վերահաշվարկման/վերադարձման ենթակա չէ։
• Ֆակտորինգի դիմաց Բանկին վճարվող տոկոսագումարը հաշվարկվում է ֆինանսավորման մնացորդային գումարի նկատմամբ` փաստացի տևողության համար և գանձվում է Պարտապանի կողմից դրամական պարտավորության կատարմանն ուղղվող գումար(ներ)ից:

Տոկոսագումարի հաշվարկման ներկայացուցչական օրինակ

Ֆակտորինգի զիջվող գումար՝ 10,000,000 ՀՀ դրամ

Ֆակտորինգի ֆինանսավորման չափ՝ զիջվող գումարի 90%

Ֆակտորինգի ֆինանսավորման գումար՝ 9,000,000 ՀՀ դրամ

Ֆակտորինգի տարեկան տոկոսադրույք՝ 14%

Ֆակտորինգի տրամադրման միջնորդավճար՝ 0.5% 

Ֆակտորինգի ժամկետ՝ 120 օր

Օրական հաշվեգրվող տոկոսադրույքը կկազմի՝

9,000,000*14%/365=3,452 ՀՀ դրամ

Ամբողջ ժամկետի համար հաշվարկված տոկոսադրույքը կկազմի՝

3,452*120=414,247 ՀՀ դրամ

Ֆակտորինգի տրամադրման միանվագ միջնորդավճարը կկազմի՝

10.000.000*1%=100,000 ՀՀ դրամ

ՀՀ Քաղաքացիական օրենսգիրք, Հոդված 895.

1. Հաճախորդը ֆինանսական գործակալի հանդեպ պատասխանատվություն է կրում զիջման առարկա դրամական պահանջն իրական լինելու համար, եթե այլ բան նախատեսված չէ դրամական պահանջի զիջման դիմաց ֆինանսավորման պայմանագրով: 
2. Զիջման առարկա դրամական պահանջը համարվում է իրական, եթե հաճախորդն օժտված է դրամական պահանջի փոխանցման իրավունքով, և այդ պահանջի զիջման պահին նրան հայտնի չեն այնպիսի հանգամանքներ, որոնց ուժով պարտապանն իրավունք ունի չկատարել պահանջը:
3. Հաճախորդը պատասխանատվություն չի կրում ֆինանսական գործակալի կողմից զիջման առարկա համարվող պահանջը պարտապանի կատարմանը ներկայացնելու դեպքում, վերջինիս կողմից չկատարելու կամ անպատշաճ կատարելու համար, եթե այլ բան նախատեսված չէ հաճախորդի և ֆինանսական գործակալի միջև կնքված պայմանագրով:

ՀՀ Քաղաքացիական օրենսգիրք, Հոդված 899.

1. Եթե դրամական պահանջի զիջման դիմաց ֆինանսավորման պայմանագրի պայմաններով հաճախորդի ֆինանսավորումը կատարում է ֆինանսական գործակալը` հաճախորդից այդ պահանջը գնելու միջոցով, ֆինանսական գործակալն իրավունք է ձեռք բերում այն ամբողջ գումարի նկատմամբ, որը նա պահանջը կատարելու համար ստանալու է պարտապանից, իսկ հաճախորդը ֆինանսական գործակալի հանդեպ պատասխանատվություն չի կրում այն բանի համար, որ վերջինիս ստացած գումարը պակաս է եղել այն գնից, որով գործակալը ձեռք է բերել պահանջը:
2. Եթե ֆինանսական գործակալին դրամական պահանջը զիջվել է նրա առջև հաճախորդի պարտավորության կատարման ապահովման նպատակով, և այլ բան նախատեսված չէ պահանջի զիջման դիմաց ֆինանսավորման պայմանագրով, ֆինանսական գործակալը պարտավոր է հաճախորդին հաշվետվություն ներկայացնել ու նրան հանձնել հաճախորդի պահանջի զիջմամբ ապահովված պարտքի գումարը գերազանցող մասը: Եթե պարտապանից ֆինանսական գործակալի ստացած դրամական միջոցները պակաս են ֆինանսական գործակալի հանդեպ հաճախորդի պահանջի զիջմամբ ապահովված պարտքի գումարից, հաճախորդն իր պարտքի մնացորդի համար պատասխանատվություն է կրում ֆինանսական գործակալի առջև:

ՀՀ Քաղաքացիական օրենսգիրք, Հոդված 901.

1. Հաճախորդի կողմից պարտապանի հետ կնքված պայմանագրով իր պարտավորությունները խախտելու դեպքում պարտապանն իրավունք չունի ֆինանսական գործակալից պահանջել վերադարձնելու վերջինիս անցած պահանջով արդեն իսկ վճարված գումարները, եթե պարտապանն իրավունք ունի նման գումարներ ստանալ անմիջականորեն հաճախորդից:
2. Պահանջի զիջման արդյունքում ֆինանսական գործակալին վճարված գումարներն անմիջականորեն հաճախորդից պահանջելու իրավունք ունեցող պարտապանը, այդուհանդերձ, իրավունք ունի այդ գումարները պահանջել ֆինանսական գործակալից, եթե ապացուցում է, որ վերջինս հաճախորդին չի վճարել պահանջի զիջման դիմաց կամ վճարել է` իմանալով հաճախորդի կողմից պարտապանի հանդեպ թույլ տրված այն պարտավորության խախտման մասին, որին վերաբերում է պահանջի զիջման հետ կապված վճարը:

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ ԵՎ ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ:

ՍՊԱՌՈՂԻ ԿՈՂՄԻՑ ԻՐ ՊԱՐՏԱՎՈՐՈՒԹՅՈՒՆՆԵՐԸ ԺԱՄԱՆԱԿԻՆ ՉԿԱՏԱՐԵԼՈՒ ԴԵՊՔՈՒՄ ՏՈՒՅԺԵՐԻ ՉԱՓԸ ԵՎ ԿԻՐԱՌՄԱՆ ԴԵՊՔԵՐԸ,

ԵԹԵ ՊԱՐՏԱՊԱՆԸ  ՖԱԿՏՈՐԻՆԳԻ ՊԱՅՄԱՆԱԳՐՈՎ ԵՎ/ԿԱՄ ՀԱՅՏ-ՀԱՄԱՁԱՅՆԱԳՐԵՐՈՎ ՍԱՀՄԱՆՎԱԾ ԺԱՄԿԵՏՆԵՐՈՒՄ ԵՎ ՉԱՓՈՎ ՎՃԱՐՈՒՄՆԵՐ ՉԻ ԿԱՏԱՐՈՒՄ, ԱՊԱ ԲԱՆԿՆ ԻՐԱՎՈՒՆՔ ՈՒՆԻ ՉԿԱՏԱՐՎԱԾ ԴՐԱՄԱՅԻՆ ՊԱՐՏԱՎՈՐՈՒԹՅՈՒՆՆԵՐԻ ՆԿԱՏՄԱՄԲ ՀԱՇՎԱՐԿԵԼ ՏՈՒԺԱՆՔ, ՈՐԸ ՉԻ ԿԱՐՈՂ ԳԵՐԱԶԱՆՑԵԼ ՅՈՒՐԱՔԱՆՉՅՈՒՐ ՕՐՎԱ ՀԱՄԱՐ 0.13 (ԶՐՈ ԱՄԲՈՂՋ ՏԱՍՆԵՐԵՔ) ՏՈԿՈՍԸ։

ՀԱՃԱԽՈՐԴԻ ԿԱՄ ՊԱՐՏԱՊԱՆԻ ԿՈՂՄԻՑ ՖԱԿՏՈՐԻՆԳԻ ՊԱՅՄԱՆԱԳՐՈՎ ՍԱՀՄԱՆՎԱԾ ՎՃԱՐՄԱՆ ՊԱՐՏԱՎՈՐՈՒԹՅՈՒՆՆԵՐԻ ՉԿԱՏԱՐՄԱՆ ԿԱՄ ՈՉ ՊԱՏՇԱՃ ԿԱՏԱՐՄԱՆ ԴԵՊՔՈՒՄ ԲԱՆԿՆ ԻՐԱՎՈՒՆՔ ՈՒՆԻ ՉԿԱՏԱՐՎԱԾ ԴՐԱՄԱՅԻՆ ՊԱՏԱՎՈՐՈՒԹՅՈՒՆՆԵՐԻ ՆԿԱՏՄԱՄԲ ՀԱՇՎԱՐԿԵԼ ՏՈՒԺԱՆՔ, ՈՐԸ ԲԱՆԿԸ ՍԱՀՄԱՆՈՒՄ Է ՄԻԱԿՈՂՄԱՆԻՈՐԵՆ ԵՎ ՉԻ ԿԱՐՈՂ ԳԵՐԱԶԱՆՑԵԼ ՅՈՒՐԱՔԱՆՉՅՈՒՐ ՕՐՎԱ ՀԱՄԱՐ 0.13 (ԶՐՈ ԱՄԲՈՂՋ ՏԱՍՆԵՐԵՔ) ՏՈԿՈՍԸ:

Ծանոթացեք ստորև.

• Վարկառուի կողմից իր պարտավորությունները ժամանակին չկատարելու դեպքում կիրառվող տույժեր։

 ՄԱՐՈՒՄՆԵՐԻ ՀԵՐԹԱԿԱՆՈՒԹՅՈՒՆԸ

ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՄԱՆ ՎԵՐՋՆԱԺԱՄԿԵՏԻՆ ԿԱՄ ԴՐԱՆԻՑ ՀԵՏՈ ՄԱՐՈՒՄՆԵՐ ԿԱՏԱՐԵԼԻՍ ԱՌԱՋՆԱՀԵՐԹՈՒԹՅԱՆ ԿԱՐԳՈՎ ՎՃԱՐՎՈՒՄ ԵՆ ՎԱՐԿԻ ԳՈՒՄԱՐԻ, ՏՈԿՈՍԱԳՈՒՄԱՐՆԵՐԻ ԵՎ/ԿԱՄ ՄԻՋՆՈՐԴԱՎՃԱՐԻ ՆԿԱՏՄԱՄԲ ՀԱՇՎԱՐԿՎԱԾ ՏՈՒԺԱՆՔԸ, ԺԱՄԿԵՏԱՆՑ ՏՈԿՈՍԱԳՈՒՄԱՐԸ, ԺԱՄԿԵՏԱՆՑ ՄԻՋՆՈՐԴԱՎՃԱՐԸ, ԺԱՄԿԵՏԱՆՑ ՎԱՐԿԻ ԳՈՒՄԱՐԸ, ԱՅՆՈՒՀԵՏԵՎ՝ ՏՈԿՈՍԱԳՈՒՄԱՐԸ, ՄԻՋՆՈՐԴԱՎՃԱՐԸ ԵՎ ՎԱՐԿԻ ԳՈՒՄԱՐԸ, ԻՍԿ ՆԱԽՔԱՆ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՄԱՆ ՎԵՐՋՆԱԺԱՄԿԵՏԸ ԿԱՏԱՐՎԱԾ ՄԱՐՈՒՄՆԵՐՆ ՈՒՂՂՎՈՒՄ ԵՆ ՎԱՐԿԻ ԳՈՒՄԱՐԻ ՆՎԱԶԵՑՄԱՆԸ, ԵԹԵ ԱՌԿԱ ՉԷ ՀԵՐԹԱԿԱՆ ՄԱՐՄԱՆ ՀԱՆՁՆԱՐԱՐԱԿԱՆ ԿԱՄ ՊԱՅՄԱՆԱԳՐԻ ՇՐՋԱՆԱԿՆԵՐՈՒՄ ԺԱՄԿԵՏԱՆՑ ՊԱՐՏԱՎՈՐՈՒԹՅՈՒՆ (ՆՇՎԱԾ ԴԵՊՔԵՐՈՒՄ ՄԱՐՈՒՄՆԵՐԸ ԿԱՏԱՐՎՈՒՄ ԵՆ ՎԵՐԸ ՆԿԱՐԱԳՐՎԱԾ ՀԵՐԹԱԿԱՆՈՒԹՅԱՄԲ)։

ԳՐԱՎԻ ԲՌՆԱԳԱՆՁՈՒՄ.

ԳՐԱՎԱԴՐՎԱԾ ԳՈՒՅՔԸ ԿԱՐՈՂ Է ԲՌՆԱԳԱՆՁՎԵԼ, ԵԹԵ ՀԱՃԱԽՈՐԴԸ/ՊԱՐՏԱՊԱՆԸ ԺԱՄԱՆԱԿԻՆ ՉԿԱՏԱՐԻ ՊԱՅՄԱՆԱԳՐՈՎ ՍՏԱՆՁՆԱԾ ՊԱՐՏԱՎՈՐՈՒԹՅՈՒՆՆԵՐԸ: ԳՐԱՎԻ ԱՐԺԵՔԻ ԱՆԲԱՎԱՐԱՐ ԼԻՆԵԼՈՒ ՊԱՐԱԳԱՅՈՒՄ ՀԱՃԱԽՈՐԴԻ ՊԱՐՏԱՎՈՐՈՒԹՅՈՒՆՆԵՐԸ ԿՄԱՐՎԵՆ ՀԱՃԱԽՈՐԴԻ/ՊԱՐՏԱՊԱՆԻ ԱՅԼ ԳՈՒՅՔԻ ՀԱՇՎԻՆ:

ԲԱՆԿԻ ԿՈՂՄԻՑ ՀԵՏՊԱՀԱՆՋԻ ԻՐԱՎՈՒՆՔՈՎ (ՌԵԳՐԵՍԱՅԻՆ) ՖԱԿՏՈՐԻՆԳԻ ՏՐԱՄԱԴՐՄԱՆ ԴԵՊՔՈՒՄ, ԵՐԲ ԶԻՋՎԱԾ ԴՐԱՄԱԿԱՆ ՊԱՀԱՆՋԻ ԴԻՄԱՑ ՊԱՐՏԱՊԱՆԻ ԿՈՂՄԻՑ ՉՎՃԱՐՄԱՆ ՌԻՍԿԸ ԿՐՈՒՄ Է ՀԱՃԱԽՈՐԴԸ, ՖԱԿՏՈՐԻՆԳԻ ԱՊԱՀՈՎՎԱԾՈՒԹՅԱՆ ՊԱՀԱՆՋԸ ՆԵՐԿԱՅԱՑՎՈՒՄ Է ՀԱՃԱԽՈՐԴԻՆ, ԻՍԿ ԱՆՀՐԱԺԵՇՏՈՒԹՅԱՆ ԴԵՊՔՈՒՄ` ՆԱԵՎ ՊԱՐՏԱՊԱՆԻՆ:

ԲԱՆԿԻ ԿՈՂՄԻՑ ԱՌԱՆՑ ՀԵՏՊԱՀԱՆՋԻ ԻՐԱՎՈՒՆՔԻ (ՈՉ ՌԵԳՐԵՍԱՅԻՆ) ՖԱԿՏՈՐԻՆԳԻ ՏՐԱՄԱԴՐՄԱՆ ԴԵՊՔՈՒՄ, ԵՐԲ ՀԱՃԱԽՈՐԴԸ ՉԻ ԿՐՈՒՄ ԶԻՋՎԱԾ ԴՐԱՄԱԿԱՆ ՊԱՀԱՆՋԻ ԴԻՄԱՑ ՊԱՐՏԱՊԱՆԻ ԿՈՂՄԻՑ ՉՎՃԱՐՄԱՆ ՌԻՍԿԸ, ՖԱԿՏՈՐԻՆԳԻ ԱՊԱՀՈՎՎԱԾՈՒԹՅԱՆ ՊԱՀԱՆՋԸ ՆԵՐԿԱՅԱՑՎՈՒՄ Է ՊԱՐՏԱՊԱՆԻՆ:

ՎԱՐԿԱՅԻՆ ՌԵԳԻՍՏՐԻՆ ՏՐԱՄԱԴՐՎՈՂ ՏԵՂԵԿԱՏՎՈՒԹՅՈՒՆ.

ՈՒՇԱԴՐՈՒԹՅՈՒՆ՝ ՁԵՐ ԿՈՂՄԻՑ ՊԱՐՏԱՎՈՐՈՒԹՅՈՒՆԸ ՉԿԱՏԱՐԵԼՈՒ ԿԱՄ ԹԵՐԻ ԿԱՏԱՐԵԼՈՒ ԴԵՊՔՈՒՄ ԲԱՆԿՆ ԱՅԴ ՏՎՅԱԼՆԵՐԸ ՈՒՂԱՐԿՈՒՄ Է ՎԱՐԿԱՅԻՆ ԲՅՈՒՐՈ, ՈՐՏԵՂ ՁԵՎԱՎՈՐՎՈՒՄ Է ՁԵՐ ՎԱՐԿԱՅԻՆ ՊԱՏՄՈՒԹՅՈՒՆԸ: ԴՈՒՔ ԻՐԱՎՈՒՆՔ ՈՒՆԵՔ ՎԱՐԿԱՅԻՆ ԲՅՈՒՐՈՅԻՑ ՏԱՐԵԿԱՆ ՄԵԿ ԱՆԳԱՄ ԱՆՎՃԱՐ ՁԵՌՔ ԲԵՐԵԼ ՁԵՐ ՎԱՐԿԱՅԻՆ ՊԱՏՄՈՒԹՅՈՒՆԸ:

ՈՒՇԱԴՐՈՒԹՅՈՒՆ՝ ՎԱՏ ՎԱՐԿԱՅԻՆ ՊԱՏՄՈՒԹՅՈՒՆԸ ԿԱՐՈՂ Է ԽՈՉԸՆԴՈՏԵԼ ՁԵԶ ԱՊԱԳԱՅՈՒՄ ՎԱՐԿ, ՖԱԿՏՈՐԻՆԳ ԵՎ ԲԱՆԿԻ ԿՈՂՄԻՑ ՖԻՆԱՆՍԱՎՈՐՈՒՄ ԵՆԹԱԴՐՈՂ ՑԱՆԿԱՑԱԾ ԱՅԼ ՊՐՈԴՈՒԿՏ ՍՏԱՆԱԼՈՒ ԺԱՄԱՆԱԿ։

Վարկային պատմության և սքոր գնահատականի վերաբերյալ

Բանկի հետ համագործակցող որակավորված անկախ գնահատող ընկերություններ։

1. Ինչո՞վ է տարբերվում ֆակտորինգը վարկից

- Վարկը տրամադրվում է որոշակի ֆիքսված ժամկետով, մինչդեռ Ֆակտորինգը տրամադրվում է վճարման փաստացի հետաձգված օրերի ժամկետով,

- վարկային միջոցները վերադարձվում են փոխառուի կողմից, իսկ ֆակտորինգի գումարը մարվում է դեբիտորի կողմից վճարվող գումարից,

- վարկի դեպքում, որպես կանոն, պահանջվում է գրավային ապահովվածություն, իսկ ֆակտորինգի ապահովվածություն է հանդիսանում դրամական պահանջը,

- ֆակտորինգային ֆինանսավորումը, ի տարբերություն վարկային միջոցների, չի արտացոլվում հաշվեկշռում որպես փոխառու միջոց,

- վարկավորման դեպքում հիմք է ընդունվում վարկառուի վճարունակությունը, իսկ ֆակտորինգային ֆինանսավորման դեպքում հիմք է ընդունվում գնորդների վճարունակությունը,

- վարկային միջոցները տրամադրվում են մեկ կամ երկու փուլերով` միանգամից, իսկ ֆակտորինգային ֆինանսավորումն իրականացվում է ըստ անհրաժեշտության,

- վարկավորումը չի ենթադրում այլ ծառայությունների մատուցում, իսկ ֆակտորինգը միայն ֆինանսավորում չէ, այլ հավելյալ ծառայությունների ամբողջություն:

2. Ու՞մ համար է նախատեսված ռեգրեսային ֆակտորինգը

- Ռեգրեսային ֆակտորինգը նախատեսված է նրանց համար, ովքեր վստահում են իրենց գնորդներին, և, հետևաբար, անհրաժեշտություն չկա վճարել առավել թանկ (ռեգրեսային ֆակտորինգն առավել էժան է),

3. Արդյո՞ք գնորդներին չի վախեցնի այն փաստը, որ վաճառողը սկսել է օգտվել ֆակտորինգից

- Վստահելի գնորդները, որոնք պահպանում են վճարման ժամկետները, ֆակտորինգի հանդեպ կարող են ունենալ միայն դրական վերաբերմունք: Նշենք նաև այն հանգամանքը, որ հենց ֆակտորինգի շնորհիվ հաճախ վաճառողը գնորդին տրամադրում է վճարման առավել երկար հետաձգում: Ֆակտորինգի կիրառումը նպատակահարմար է ոչ միայն վաճառողի համար, այլ նաև հենց գնորդի համար, քանի որ ֆակտորինգի շնորհիվ գնորդը ստանում է ապրանքային վարկ, մշտապես ապահովում է ապրանքի լայն տեսականի, ժամանակավորապես ունենում է լրացուցիչ ազատ դրամական միջոցներ:

4. Կարո՞ղ է արդյոք ֆակտորինգը կիրառվել ծառայությունների ոլորտում

- Անշուշտ, ֆակտորինգը կարող է լիարժեք կիրառվել նաև վճարման հետաձգված պայմանով ծառայությունների մատուցման դեպքում:

5. Ի՞նչ է տեղի ունենում դեբիտորի կողմից իրեն մատակարարված ապրանքի դիմաց գումարի չվճարման դեպքում, եթե գործարքը ֆինանսավորվել է ֆակտորինգով

- Գնորդի կողմից գումարի չվճարման դեպքում հնարավոր է երկու տարբերակ` կախված ամենից առաջ ֆակտորինգի տեսակից (ռեգրեսային կամ ոչ ռեգրեսային): Ռեգրեսային ֆակտորինգի դեպքում վաճառողը պարտավոր է գնորդի փոխարեն վճարել վերջինիս կողմից Բանկին չվճարված գումարը, իսկ ոչ ռեգրեսային ֆակտորինգի դեպքում Բանկը պետք է ինքնուրույն լուծի ժամկետանց պարտավորության վերադարձման խնդիրը` կրելով բոլոր ռիսկերը:

6. Արդյո՞ք Բանկը ֆակտորինգային ֆինանսավորում կտրամադրի ժամկետանց դեբիտորական պարտավորության դիմաց

- Բանկի կողմից ֆակտորինգային ֆինանսավորման ենթակա են բացառապես ոչ ժամկետանց դեբիտորական պարտավորությունները:

7. Ո՞րն է ֆակտորինգի առավելությունը վարկի նկատմամբ

- Իրականում խոսքը գնում է ոչ թե առավելության մասին, այլ այն փաստի, որ դրանք բավարարում են հաճախորդի տարբեր պահանջներ: Ֆակտորինգն առաջին հերթին գործիք է, որն ապահովում է վաճառքի ծավալների աճ` առանց գնորդների ժամկետանց դեբիտորական պարտավորությունների աճի ռիսկի: