Ակբա բանկը Լոռու մարզում Հայաստանի բանկերի միության կողմից նախաձեռնած համաժողովում ներկայացրել է հատուկ առաջարկներ՝ բիզնեսների ֆինանսավորման և զարգացման համար։

Ակբա բանկը Լոռու մարզում գործում է արդեն 28 տարի՝ նպաստելով մարզի ժամանակակից գյուղատնտեսության, առևտրի, արդյունաբերության, տրանսպորտի, տուրիզմի և շինարարության ոլորտների արդիականացմանն ու զարգացմանը։

• Ներդրումային ծավալ. Ակբա բանկը վերջին 5 տարում Լոռու մարզում ներդրել է շուրջ 56 մլրդ դրամ, որից միայն 12.7 միլիարդը՝ նախորդ տարի: Միջոցներն ուղղվել են գյուղատնտեսության, տուրիզմի, տրանսպորտի, առևտրի, արդյունաբերության և շինարարության ոլորտներին:
• Հասանելիություն. մարզում գործում է Ակբա բանկի 5 մասնաճյուղ, որոնք  սպասարկում են ավելի քան 59,000 հաճախորդի. նրանց զգալի մասն օգտվում է բանկի թվային լուծումներից՝ գործարքներն իրականացնելով առանց բանկի մասնաճյուղ այցելելու:
• Ոչ ֆինանսական ծառայություն. Ակբա բանկը ՓՄՁ-ների  համար ավելի քան տասը տարի իրականացնում է անվճար բիզնես դասընթացներ (այդ թվում՝ Լոռու մարզում)՝ ձեռներեցներին աջակցելով առավել արդյունավետ բիզնես վարելու գործում:
• Հատուկ առաջարկներ. Ակբա բանկն այս պահին ոչ միայն Լոռու մարզի, այլև Հայաստանի ամբողջ տարածքում գործող ՓՄՁ-ներին առաջարկում է բիզնեսի զարգացման հատուկ պայմաններ.
  
  

1. 1.    «Երիտասարդները բիզնեսում» ծրագիր.Ակբա բանկը Վերակառուցման և զարգացման եվրոպական բանկի հետ համատեղ առաջարկում է բիզնես և գյուղատնտեսական վարկեր հատուկ պայմաններով՝ աջակցելու մինչև 35 տարեկան երիտասարդ ՓՄՁ հաճախորդներին և մինչև 35 տարեկան երիտասարդներին։
2. 2.    «Կանայք բիզնեսում» ծրագիր. առաջարկի շրջանակում կարող են ֆինանսավորվել կին անհատ ձեռնարկատերերը կամ գյուղատնտեսությամբ զբաղվող կին ֆիզիկական անձինք, ինչպես նաև այն իրավաբանական անձինք, որոնց տնօրենը կին է, կամ կազմակերպության 51% և ավելին պատկանում է կանանց։ Առաջարկը գործում է մինչև հունիսի 5-ը ներառյալ։
   
   

«Ակբա բանկը մարզերում աշխատելու երկար տարիների փորձ ունի։ Այսօր պետք է մասնավոր և պետական հատվածները միասին քննարկեն և պարզեն, թե ինչ նոր գործիքներով է հնարավոր խթանել ձեռներեցությունը, որպեսզի մարզն ավելի հետաքրքիր դարձնենք ձեռներեցների և նոր ներդրումների համար։ Կարևոր է նաև ոչ ֆինանսական գիտելիքների տրամադրումը, որն Ակբա բանկը տարիներ շարունակ իրականացրել և շարունակում է իրականացնել անվճար բիզնես դասընթացների միջոցով»,- նշել է Ակբա բանկի գլխավոր գործադիր տնօրեն Հակոբ Անդրեասյանը։

«Ակբա բանկը, ինչպես բոլոր մարզերում, այնպես էլ Լոռու մարզում, ունի ուժեղ ներկայացվածություն.  շուկայի մասնաբաժինը կազմում է ավելի քան 17%: Այս պահին բոլոր փոքր ու միջին ձեռնարկությունների համար ունենք հատուկ առաջարկներ։ Հաշվի առնելով նաև տուրիզմի ուղղությամբ մարզի մասնագիտացումը, Եվրոպական ներդրումային բանկի ծրագրերի շրջանակում առաջարկում ենք հատուկ ֆինանսավորում՝ ՀՀ դրամի դեպքում սկսած 11%-ից։ Բացի այդ՝ ունենք հատուկ առաջարկներ կին գործարարների և երիտասարդ ձեռնարկատերերի համար»,- նշել է Ակբա բանկի ՓՄՁ կորպորատիվ բիզնեսի տնօրենի ժամանակավոր պաշտոնակատար Հակոբ Հակոբյանը։