Մեկնարկում է «Օրգանական գյուղատնտեսության զարգացման» 2026թ. ծրագիրը
Ակբա բանկը և «Հանուն մարդկության և բնության» հայկական ասոցիացիան (FPAN) հայտարարում են «Օրգանական գյուղատնտեսության զարգացման» համատեղ ծրագրի հերթական փուլի մեկնարկի մասին։
Ծրագիրը ֆինանսավորվում է Ակբա բանկի և Գերմանիայի բնության պահպանության միության (NABU) կողմից։ Նախաձեռնության հիմնական նպատակն է խթանել Հայաստանում օրգանական գյուղատնտեսության զարգացումը՝ տնտեսվարողներին հնարավորություն ընձեռելով անցնել սերտիֆիկացման գործընթաց, ստանալ միջազգային հավաստագրեր և ընդլայնել արտադրական ու արտահանման հնարավորությունները։
Ի՞նչ աջակցություն է տրամադրվում
Մրցույթի արդյունքում ընտրված կազմակերպությունները, ֆերմերներն ու անհատ գյուղատնտեսները կստանան համակցված ֆինանսական և տեխնիկական աջակցություն, այդ թվում՝
Օրգանական սերտիֆիկացման համաֆինանսավորում՝ առավելագույնը մինչև 400,000 ՀՀ դրամ:
Նշում. սերտիֆիկացման արժեքի մնացած մասը հոգում է շահառուն:
Ովքե՞ր կարող են դիմել
Ծրագրին կարող են մասնակցել՝
Օրգանական արտադրությամբ արդեն իսկ զբաղվող տնտեսվարողները:
Այն տնտեսվարողները, ովքեր նախատեսում են անցում կատարել օրգանական արտադրության:
Ինչպե՞ս դիմել
Հայտերն ընդունվում են մինչև 2026 թվականի հունիսի 15-ը ներառյալ: Դիմելու համար անհրաժեշտ է լրացնել առցանց դիմում-հայտը
Ծրագրի մասին
«Օրգանական գյուղատնտեսության զարգացման» ծրագիրը մեկնարկել է դեռևս 2015 թվականին՝ Ակբա բանկի և NABU-ի արդյունավետ գործընկերությամբ։ 2026 թվականից ծրագրի իրականացումն արդեն ստանձնել է «Հանուն մարդկության և բնության» հայկական ասոցիացիան (FPAN)՝ շարունակելով սերտ համագործակցությունը բանկի հետ։ Այս տարիների ընթացքում ծրագիրն ունեցել է ավելի քան 100 շահառու Հայաստանի ողջ տարածքում։
Այս նախագիծը կարևոր քայլ է ՄԱԿ-ի Կայուն զարգացման նպատակների իրագործման ճանապարհին՝ թիրախավորելով հետևյալ ոլորտները.
SDG 2: Զրոյական սով
SDG 12: Պատասխանատու սպառում և արտադրություն
SDG 15: Կյանք ցամաքում
SDG 17: Գործընկերություն հանուն նպատակների
Լրացուցիչ տեղեկությունների համար կարող եք դիմել FPAN-ի գրասենյակ. 📞 Հեռ.՝ +374 93 420 062, +374 44 599 949 📧 Էլ. հասցե՝ info@fpan.am