Ակբա բանկը հրապարակային առաջարկով տեղաբաշխել է 10,000,000,000 (տասը միլիարդ) ՀՀ դրամ  և 10,000,000 (տասը միլիոն) ԱՄՆ դոլար ընդհանուր ծավալով արժեկտրոնային ոչ փաստաթղթային պարտատոմսեր։

Բանկը յուրաքանչյուր պարտատոմսից տեղաբաշխելու է 100,000 (հարյուր հազար)  քանակով։

Պարտատոմսերի տարեկան եկամտաբերությունը ՀՀ դրամի դեպքում 10,50% է, ԱՄՆ դոլարի դեպքում՝ 5,50%։

Պարտատոմսերի շրջանառության ժամկետը 60 ամիս է. տեղաբաշխումը տևելու է մինչև 2026 թվականի մայիսի  15-ը ներառյալ։

Պարտատոմսերը մարվելու են 2031 թվականի հունվարի 15-ին։

ՀՀ դրամի դեպքում մեկ պարտատոմսի անվանական արժեքը կազմում է 100,000 (հարյուր հազար) ՀՀ դրամ, իսկ ԱՄՆ դոլարի դեպքում՝ 100 (հարյուր) ԱՄՆ դոլար:

Պարտատոմսերի ձեռքբերման համար ներդրողը պետք է լրացնի և Ակբա բանկ ներկայացնի պարտատոմսերի ձեռքբերման հայտ։

Պարտատոմսերի ձեռքբերման հայտ ֆիզիկական անձանց համար՝

• Դրամային պարտատոմսերի ձեռքբերման հայտ
• Դոլարային պարտատոմսերի ձեռքբերման հայտ

Պարտատոմսերի ձեռքբերման հայտ իրավաբանական անձանց համար՝

• Դրամային պարտատոմսերի ձեռքբերման հայտ
• Դոլարային պարտատոմսերի ձեռքբերման հայտ

«Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքի համաձայն՝ բանկի թողարկած անվանական պարտատոմսերով ներգրավված դրամական միջոցները համարվում են երաշխավորված բանկային ավանդ և երաշխավորված են «Ավանդների հատուցումը երաշխավորող հիմնադրամի» կողմից: