Ակբա բանկի նոր ու ժամանակակից լուծումներով հագեցած «Շիրակ» մասնաճյուղը Գյումրիում այսուհետ կգործի նոր՝ Աբովյան 256 հասցեում (Սուրբ Ամենափրկիչ եկեղեցու կողքին)։
Նոր հասցեում գործող «Շիրակ» մասնաճյուղում Ակբա բանկն իր բոլոր հաճախորդներին և գործընկերներին կտրամադրի բանկի կողմից առաջարկվող բոլոր ծառայությունները։
«Նոր հասցեում գործող «Շիրակ» մասնաճյուղում հաճախորդների սպասարկման պայմաններն ավելի են բարելավվել, հաշվի ենք առել հաճախորդների պահանջները և շեշտը դրել ենք սպասարկման որակի մակարդակի բարձրացման վրա։ Կարծում եմ, որ Գյումրիում տեղի ունեցող բոլոր դրական փոփոխությունների կողքին այստեղ բանկային ծառայությունների կարիքն ավելանալու է, և մենք պատրաստ ենք մեր աշխատանքով նպաստել Գյումրիի զարգացմանը»,- նշել է Ակբա բանկի գլխավոր գործադիր տնօրեն Հակոբ Անդրեասյանը:
«Շիրակ» մասնաճյուղը գործելու է երկուշաբթիից ուրբաթ, ժամը 09:30-17:30-ը (հաշվարկադրամարկղային սպասարկում՝ 09:30-16:30):
