ԱԿԲԱ-ԿՐԵԴԻՏ ԱԳՐԻԿՈԼ Բանկին Հայաստանի Հանրապետության պետական եկամուտների կոմիտեի կողմից տրվել է ‹‹Օրինապահ հարկ վճարողի›› հավաստագիր:
Հավաստագիրը Բանկին տրվել է 2018 և 2019 թթ. պետական բյուջեի հանդեպ բոլոր պարտավորությունների ամբողջական և ճիշտ կատարման, ինչպես նաև օրենսդրությամբ նախատեսված բոլոր հաշվարկների և հաշվետվությունների ճշգրիտ ներկայացման և իրավախախտումների բացակայության համար:
‹‹ԱԿԲԱ-ԿՐԵԴԻՏ ԱԳՐԻԿՈԼ Բանկը մշտապես նպաստել է Հայաստանում տնտեսության զարգացմանը: Բանկն իր գործունեության շուրջ քսանհինգ տարիների ընթացքում գործելով օրինականության սահմաններում, եղել է օրինապահ հարկ վճարող և այս նույն ձեռագրով էլ շարունակելու է իր աշխատանքները››,- նշել է ԱԿԲԱ-ԿՐԵԴԻՏ ԱԳՐԻԿՈԼ Բանկի գլխավոր հաշվապահ Արմեն Հակոբյանը:
ԱԿԲԱ-ԿՐԵԴԻՏ ԱԳՐԻԿՈԼ Բանկը ստեղծվել է 1996թ.-ին և այժմ Հայաստանի Հանրապետության խոշորագույն բանկերից մեկն է: Բանկը ներկայացված է Երևանում և բոլոր մարզերում, ունի 60 մասնաճյուղ և շուրջ 1500 աշխատակից:
